#Хадис_1299

МУБОҲ ЎЙИН

Оиша розияллоҳу анҳодан ривоят қилинади: «Ийд куни эди. Қоралар олдимда қалқон ва найзаларни ўйнашар эди. Ёки мен Расулуллоҳ соллаллоҳу алайҳи васалламдан сўрадим. Ёки у зот: «Томоша қилишни хоҳлайсанми?» дедилар. «Ҳа», дедим. У зот мени орқаларига турғиздилар. Юзим у зотни юзларига тегиб турарди. У зот бўлсалар: «Эй Бани Арфидалар, давом этаверинглар», дердилар. Бу ҳол, то мен малол олгунимча давом этди. Кейин: «Бўлдингми?» дедилар. «Ҳа», дедим. «Кетавер», дедилар».
🖌️Икки шайх ривоят қилишган.

Шарҳ:
Бани Арфида ҳабашийларнинг номи. Уларнинг катта боболарининг исми Арфида бўлган. Ушбу ҳадисни мулоҳаза қиладиган бўлсак, ийд куни масжидда ҳабашийлар қўлларида найза ва қалқонлар билан ҳарбий рақс ижро этганлар. Бу, албатта, жангга тайёргарлик ва унга тарғиб ҳисобланади. Шунинг учун ҳам Расулуллоҳ соллаллоҳу алайҳи васаллам бунга ижозат берганлар, ўзлари томошага таклиф қилганлар.
Бу ҳадиси шарифдан олинадиган фойдалар:
✔️. Ийд кунлари мубоҳ ўйин-кулги бўлса жоизлиги.
✔️Аёл кишига нисбатан меҳрибонлик билан жоиз нарсаларда кенгчилик яратиб бериш яхшилиги.

Оиша розияллоҳу анҳодан ривоят қилинади: «Қўғирчоқларни ўйнар эдим. Гоҳида Расулуллоҳ соллаллоҳу алайҳи васаллам олдимга кирганларида қизлар бўлар эди. Қачон у зот кирсалар, улар чиқардилар. Қачон чиқсалар, улар кирардилар».
🖌️Абу Довуд ва Бухорий ривоят қилишган.

Шарҳ:
Бунда қизларга қўғирчоқ ўйнашга рухсат берилгани яққол кўриниб турибди

Давоми бор, кутинг

Sıdra

@HADISLAR_TOPLAMIII