Haqiqiy qahramon!

Bolaligimdan ilmiy-fantastik filmlarga qiziqaman, berilib tomosha qilaman. Film qahramonlarini ko'rib ularga havas qilardim, ularga o'xshashga harakat qilardim. Bilsam bu imkonsiz ekan. Buni anglaganimdan so'ng qahramonlarni izlashga urindim, topa olmadim. Shunday vaziyatlar bo'ldiki "Qahramon bo'lganida buni oldini olardim" degan o'y-hayollar o'tdi.

Oradan ancha yillar o'tdi. Ko'p narsalarni ko'rdim, guvohi bo'ldim, xulosa qildim. Nodon va ko'r bo'lgan ekan ekanman yonginamdagi asl qahramonni ko'rmabman. Men uchun oddiy va oson ko'ringan ishlarni har kuni hech qanday kinoya, minnat va so'rovlarsiz qilayotgan qahramonni ko'ra olmagandim.

Filmlarda qahramonlarga doim badkor odamlar halaqit berishadi, qiynashadi. Hozir shularni o'ylab men ham shunday bo'lgan ekanman. Ammo shunday bo'lsamda mendan hecham xafa bo'lmaydigan, oltindan qimmat mehrini hecham ayamaydigan onam baribir men bilan bo'ldilar. Men sabab kimlardan qanday gaplar eshitmagan, qanday qiyinchiliklarga chidagan irodali insonim. Bugun qo'l-oyog'i sovuq suvdan chiqmagan, o'zida yamoq bo'lsa ham men uchun doim yangisi, eng yaxshisi bo'lishini xohlagan onam. Bir kun kelib, men ham onam faxrlana oladigan, onamga azob berganlarga maqtanishni sabr bilan kutayotgan onam. Menga eng yaxshisi bo'lishi uchun, kelajagim uchun o'z sog'lig'ini, borini, vaqtini tikkan onam. Lekin sog'lig'i, belidagi quvvatini yo'qotgan bo'lsada qalbidagi umidi, menga bo'lgan ishonchi so'nmagan irodali onam.

Onalarimiz uchun qancha yozsak, mehr bersak kam. Biz ulardan umrimiz bilan to'lay olmaydigan qarz bo'lgan ekanmiz!

Men uchun haqiqiy qahramon bu onam! Sabrli, irodali, kuchli, mehribon bo'lishni ulardan o'rganishim kerak. Agar qandaydir darajaga chiqa olgan bo'lsam bularning barchasiga onam sababchilar!

Shu qahramonlar onalar,
Bizga berib qanotini, bag'ishlab hayotini
Asli qahramonlar o'shalar!

Barcha onalarimizni shuningdek qizlarni bugungi kun bilan tabriklayman!

#Happy_Womens_day
✅@umidxon_blog