#olis_yaqin_ovozlar

***
Samolardan izlaganim yo‘q,
Shamollarga bo‘zlaganim yo‘q.

Ilk bor sizga duch kelgan paytin,
Sevgi so‘zin pichirlab aytdim.

Eh tovushim... Yiroq ketmabdi,
Hamma tinglab, sizga yetmabdi.

Siz – boshqacha... Buni sezgandim,
Yuragingiz uzra kezgandim.

Izingizdan shamoldek yeldim,
Ammo bir kun yerga yiqildim.

Nigohingiz kuydirgan edi,
Juda og‘ir dard bergan edi.

Kulardingiz yig‘lagan kabi,
Go‘yo meni o‘ylagan kabi.

Men bir so‘zni dilda asradim,
Na erindim va na charchadim.

Nigohingiz so‘roqlar neni,
Qo‘ying... So‘rab qiynamang meni.

Hozir ayni kutilgan paytmi?
Shu bir so‘zni aytishim shartmi?

©Xurshid Abdurashid