Meva va Nutellali Tart 🥧🍓🍌
Retsept raqami: 605

Kerakli masalliqlar:

✅ Xamir uchun:

250 gr un (taxminan 2 stakan)

100 gr saryog‘ (taxminan ½ stakan)

3 dona tuxum sarig‘i

25 ml sut (taxminan 2 osh qoshiq)

5 gr vanilin (1 choy qoshiq)


✅ Krem uchun:

400 gr qaymoq (taxminan 1⅔ stakan)

100 gr shakar upasi (taxminan ¾ stakan)

100 gr quyultirilgan sut (sgushenka, taxminan 4 osh qoshiq)


✅ Bezatish uchun:

3 dona banan

350 gr qulupnay (taxminan 2 stakan)

250 gr shokolad (taxminan 1 stakan)


Tayyorlanishi:

1️⃣ Xamir tayyorlash:
Un va saryog‘ni qo‘llab ezib, "kroshka" holatiga keltiramiz. Ustiga tuxum sarig‘i, sut va vanilin qo‘shib, yumshoq xamir qoramiz. Muzlatgichda 15 daqiqa tindiramiz.

2️⃣ Pishirish:
Xamirni yupqa qilib yoyamiz, tart qolipiga joylab, vilkada teshib chiqamiz. Oldindan qizigan 180°C duxovkada 20 daqiqa pishiramiz.

3️⃣ Krem tayyorlash:
Qaymoq va shakar upasini mikser bilan ko‘pirtiramiz. Quyultirilgan sut qo‘shib, yana biroz aralashtiramiz. Juda uzoq mikserlamang, qaymoq ajralib ketishi mumkin!

4️⃣ Bezatish:
Pishgan tart asosiga kremni solamiz. Banan va qulupnayni bo‘laklab tart ustiga teramiz. Eritilgan shokolad bilan ustini bezatamiz.

5️⃣ Sovutish:
Tayyor tartni 1 soatga sovutgichga qo‘yamiz.

Yoqimli ishtaha! 😋

📚 Mazali retseptlar uchun kuzating:
👉 @Mazali_Desertlar

Muallif: @shirinas_food

💬 Tayyorlab ko‘rdingizmi? Fikrlaringizni yozib qoldiring! 📝