Элёрбек Тожибоевга нисбатан ички ишлар ходимлари томонидан қилинган ҳатти харакатларни кузатиб Ўзбекистон Республикаси Конституциясининг 26,27 ва 31 моддаларини Сизга улашгим келди:

26-модда.
Инсоннинг шаъни ва қадр-қиммати дахлсиздир. Ҳеч нарса уларни камситиш учун асос бўлиши мумкин эмас.
Ҳеч ким қийноққа солиниши, зўравонликка, бошқа шафқатсиз, ғайриинсоний ёки инсон қадр-қимматини камситувчи муомалага ёхуд жазога дучор этилиши мумкин эмас.

Ушбу ички ишлар ходимлари Конституцияда ушбу нормалар борлигини билишармикин?

27-модда.
Ҳар ким эркинлик ва шахсий дахлсизлик ҳуқуқига эга.
Ҳеч ким қонунга асосланмаган ҳолда ҳибсга олиниши, ушлаб турилиши, қамоққа олиниши, қамоқда сақланиши ёки унинг озодлиги бошқача тарзда чекланиши мумкин эмас.
Ҳибсга олишга, қамоққа олишга ва қамоқда сақлашга фақат суднинг қарорига кўра йўл қўйилади. Шахс суднинг қарорисиз қирқ саккиз соатдан ортиқ муддат ушлаб турилиши мумкин эмас.
Шахсни ушлаш чоғида унга тушунарли тилда унинг ҳуқуқлари ва ушлаб турилиши асослари тушунтирилиши шарт.

Шунингдек:

31-модда.
Ҳар бир инсон шахсий ҳаётининг дахлсизлиги, шахсий ва оилавий сирга эга бўлиш, ўз шаъни ва қадр-қимматини ҳимоя қилиш ҳуқуқига эга....
Ҳар ким уй-жой дахлсизлиги ҳуқуқига эга.
Ҳеч ким уй-жойга унда яшовчи шахсларнинг хоҳишига қарши кириши мумкин эмас. Уй-жойга киришга, шунингдек унда олиб қўйишни ва кўздан кечиришни ўтказишга фақат қонунда назарда тутилган ҳолларда ва тартибда йўл қўйилади. Уй-жойда тинтув ўтказишга фақат қонунга мувофиқ ва суднинг қарорига асосан йўл қўйилади.


Хуллас Элёрбек Тожибоев ўз уйининг томида кимлар юрганлигини билишга ҳақли эди, нотаниш кимсаларнинг шахсига аниқлик киритишга ҳақли эди. Шунингдек Элёрбек Тожибоев қонунга асосланмаган ҳолда ҳибсга олиниши, ушлаб турилиши ёки унинг озодлиги бошқача тарзда чекланиши мумкин эмас эди.

БУ УНИНГ КОНСТИТУЦИЯВИЙ ҲУҚУҚЛАРИ ЭДИ. ФУҚАРОНИНГ КОНСТИТУЦИЯВИЙ ҲУҚУҚЛАРИНИ ПОЙМОЛ ҚИЛИШГА, УНГА КУЧ ИШЛАТИБ ТАН ЖАРОҲАТИ ЕТКАЗИШГА, АСОССИЗ РАВИШДА ҲИБСГА ОЛИШГА КИМ РУХСАТ БЕРГАН ХУРМАТЛИ ПЎЛАТ БОБОЖОНОВ?

РАСМИЙ МУНОСАБАТИНГИЗНИ КУТАМИЗ...

🦅 ANTIKORRUPSIYA