⚡️Facebook га кирдим. Очмади. VPN ни ёқдим. Французча рекламани томоша қилдим. Энди Фейсбук яхши ишлаяпти. Лентамда маҳаллий сайтда қизиқарли янгиликни кўрдим. Кирдим. Очмаяпти. VPN ни ўчирдим. Янгиликни ўқидим. Facebook га қайтдим. Очмади. VPN ни ёқдим. Немис тилида реклама кўрдим. Энди ишлаяпти. Телеграмда хабар келди. Кирдим. Кимдир расм жўнатибди. Юкланмади. VPN ни ўчирдим. Расмни кўриб жавоб бердим. Facebook га қайтдим. Очмади. VPN ни ёқдим. Поляк тилида реклама кўрдим. Facebook да YouTube ссылкасини кўрдим. YouTube эса мени синовдан ўтказиш учун расмда светофорларни белгилашни сўради. Чунки мен ўзимни шубҳали тутяпман. Албатта шубҳали бўламанда, ярим соатда учта давлада бўлиб қайтдим.

Фейсбукни тўсиб қўйган бефаросатларни нафас олиш аппаратига улар эдим. Унда ҳаво ютиш фақат VPN орқали, ҳаво чиқариш эса фақат VPN сиз амалга ошириладиган бўлади.

@umidgafurovcom