Salom, qalbi sofligim.
oying biroz beshavqatroq boʻlib ketdi shu kunlarda, qandaydir oʻzi va oʻzligidan yiroqlashgandek ham. goh qarasa, tuygʻulariga singib ketadi, gohida esa hayot realliklari ichida esankirab qoladi.
jayron koʻzligim, baʼzi ishlar atirgul tikani kabi jonimizni ogʻritsa-da, ularni qilishga majbur boʻlarkanmiz. baʼzan oʻzimiz istab kirgan yoʻllarda ham katta-kichik toshlar uchrab turarkan. axir bu hayot shunday emasmi?!

ha, shirin soʻzligim, hayot hikoyalarimizning yozish rejasini tuzayotgan ekanmiz, avvalo unda sening oʻrning, sening yoʻlingni nurafshon etish uchun otang ikkimiz jonimizni tikmoqdamiz. oʻsha huzurbaxsh onlar uchun odimma-odim qadamlar ila yoʻlga chiqdik!
gʻamlar, gʻashliklar, sinovlar ham hasad qilar ekan, yagonam. qanday deysanmi? shu yoʻllarimizda uchrab turibdi-da. sen bundan tashvish tortma! bizning qalblarimiz mahkam bogʻlangan! uni sen sofliging bilan oʻrab turibsan!

sen haqingda soʻz ochilsa, otangning yuzi yal-yal porlay boshlaydi. u tamoman olam kishisi boʻlmay qoladi. aminman, aminman u oʻzi oʻylagandan-da mukammalroq, mehr va shavqatda tengi yoʻq ota boʻladi va bizni ,, oʻzimizning olamimiz ʼʼ tomon olib ketadi!
qanotlari parvozga hozirlanayotgan kapalak misli halitdan uchib ketay deyapman, yokida men allaqachon koʻklardaman.

ona qizim, bilsang agar aslida tuygʻulardir hayotning taʼmi. ranglar ham oʻzining yorqin jilollarini aynan ularga yashirgan. sen ularni ilgʻashda va his qilishda koʻproq otangdan oʻrnak olgin xoʻpmi?! men esa baʼzan isyonlarim, ogʻriqlarim ichida oʻralashib qolaman... xotiramni tozalashimga qarashib tursang boʻlgani.

sening albatta ajoyib hikoyang boʻladi. qalaming faqat baxtni yozadi!
joʻn maktubim uchun ranjima, seni yaxshi koʻraman!!!

oying yozdi!

#XB

@zuhurot