“Қаерда яшашни билмайсан”

Ўзбекистонга қайтиб хўрланган муҳожир ўз ватанида Россиядаги таҳқирлардан қолишмайдиган муносабатга дуч келганини сўзлаб берди.

Воқеа Қашқадарё вилоятининг Деҳқонобод деган туманида юз берган. Муаллифнинг (муҳожир) ёзишича, у ва унинг укаси туман марказига иш билан борган. Натижада парковка ортидан номаълум мансабдорнинг ғазабига дуч келган ва соқол олиш, телефон текшириш, сўкиниш, ҳурматсизлик, таҳқир каби хўрликларга учраган. То катта лавозимда ишлайдиган танишларидан ёрдам сўрамагунча, ака-уканинг телефонлари номаълум экспертиза учун ҳеч қандай баеннома ва расмиятчиликсиз олиб қўйилган.

Фаол обуначимизнинг ёзганларини келтираман:

25.12.2024da tumanimiz markaziga ukam ikkimiz ish yuzasidan bordik. Мilitsiya bo’limi oldida hech qanday taqiqlovchi belgi yo’q edi. Mashinamizni qoldrmoqchi edik, ichkaridan bir mansabdor o'dag'aylab kelib qoldi. Ukam yosh bo’lganligi uchun ters javob berdi. Shundan keyin birdan o‘sha mansabdor soqolingni ol deb ukamga baqirib ketdi. Ukam soqol mumkinmasmi deb so‘radi. Mansabdor mumkin emas dedi.

Xullas ikkisi gap talashdi, man jim qilishga urindim. Natijada mansabdor “gaishnik” chaqirdi. “Gaishnik” bechora ancha sarson bo‘lib, aptechkadan muammo topdi va 92 000 uzs jarima soldi. Keyin mansabdor o‘zini bosolmay mahalla noziri (uchastkoviy)mizni chaqirdi. U ham kelib ikkimizga yopishib ketdi. Xullas bizni Rossiya borganimiz uchun ichkariga olib kirishdi va 2-3 soat suhbat bo‘ldi. Fikrlashimizda o‘zgarish bo’lgan bo’lsa chora ko‘rishmoqchi bo‘lishdi. Yana nimadirlar dedi. Кechqurun soat 7 lar atrofida telefonlarimizni ekspertiza qildrish maqsadida olib qolib, aka-uka ikkimizni qo‘yib yuborishdi. Ichkarida bizni shunaqa so‘kishdi-ki, ilon po‘st tashlaydi. Tashqariga chiqqach qarindoshlarimdan biriga telefon qildim. U “kottakon” bo‘lgani uchun yarim soat ichida telefonlarimizni qaytarib berib, “uzr tanimabmiz” deyishdi.

Rossiyada-ku, xorijliklarga yomon munosabat qilishlariga o‘rganib qolgandim. Buyoqdagisi endi endi oshib ketdi-da! Na yig’lashingni bilasan, na kulishingni. Agar o‘shanday qarindoshi yo’q odam bo’lsa bechoralar telefonlariga kuyishadi. Sababi ichidan yomon narsa chiqdi deb har baloni bahona qilib telefonlarini qaytarib berishmasakan. Tanishimizni shunaqa qilishibdi. Xullas qayerda yashashniyam bilmaysan.

Бунисига нима деймиз энди? Лол қолдим ўқиб.

@zarnigor1