Zarnigorbegim ⚜️

Россияда VPN ишлатганлик учун жавобгарлик борми?

Постни ўқишга вақтингиз йўқ бўлса спойлер — VPN ишлатиш учун тўғридан-тўғри тақиқ йўқ. Бироқ, кичик нюанс бор. Пост шу нюанс ҳақида⤵️

Энг аввало таъкидлаб кетай, YouTube Россияда расман тақиқланмаган, бироқ унинг тезлиги шу даражада секинлаштирилган-ки бемалол кўра олмайсиз.

Энди VPN’ларга қайтсак.

Россияда 2017 йилдан буён VPN фаолиятини чеклайдиган қонун бор (Об информации, информационных технологиях и о защите информации).

Қонунга кўра VPNнинг эгалари, яъни VPN’ни тузган/ташкил қилганлар Россияда блокланган сайтларни очиб бериш имкониятини яратмаслиги керак. Агар VPN блокланган сайтларни интернет фойдаланувчисига очиб бермаса унда унинг фаолиятига тўсқинлик йўқ.

🧑‍💻Лекин биламиз-ки, VPN айнан блокланган сайтларни очиб бериш учун ишлатилади. Масалан, 2023 йили VPN билан тақиқланган нашрларнинг кузатувчилари сони 2022 йилга нисбатан 37%га ошганлиги маълум бўлган эди.

Шундай экан, ахборот уруши, киберҳужум, шахсий маълумотлар оммавий равишда фирибгарлар қўлига тушиб қолаётгани ва бошқа сабаблар келтирилиб, ҳозирги кунда Россияда VPN билан боғлиқ қуйидаги тақиқлар бор:

🥰VPN’ни оммалаштириш мумкин эмас;
🥰VPN’ни реклама қилиш, блокланган сайтларни очиш йўлларини кўрсатиш мумкин эмас;
😊VPN ҳақида илмий, илмий-техник ва статистик маълумотларни тарқатиш мумкин эмас;
😊блокланган сайтларни очиб берадиган VPN’ларни яратишга тақиқ бор.
😊Қолаверса, баҳордан бошлаб, алоқа операторлари (Билайн, Т2, МТС, Мегафон ва ҳ.к) тақиқланган сайтларга кираётган тармоқ манзилларининг маълумотларини 15 кун ичида Роскомнадзорга бериши керак бўлади.

Айнан шу буйруқ лойиҳаси жуда катта шов-шув яратиб, турли миш-мишларга сабаб бўлди. Натижада Роскомнадзор фойдаланувчиларнинг маълумотларини йиғмаймиз, деб изоҳ берди. Экспертларнинг тор доираси бунга кўп ҳам ишонгани йўқ.

❤️Шундай қилиб, VPN ишлатганлик учун жавобгарлик йўқ. Лекин бу дегани VPN’ни ёқсам, ҳеч ким мани топа олмайди, деб хоҳлаганингизни қилиш мумкин, дегани эмас. Яқинда блокланган сайтларга кираётган тармоқ манзилларини йиғиш бошланса бизни нима кутиб турганини аниқ-тиниқ ҳали билмаймиз.

Шунинг учун 🥰 VPN ишлатаверинг, лекин Россияда блокланган нашрларни, ОАВ, ташкилотларни ўқимасликни қатъий тавсия қиламан.

Яна бир марта эслатиб кетай — YouTube’нинг ўзи Россияда тақиқланмаган. YouTube’да тақиқланган нашрларнинг саҳифалари (блоглари) бор. Ўшаларни кўрмаслик яхши ❤️ Бошқа тармоқларда ҳам, масалан, Телеграмда ҳам тақиқланган нашр, ОАВ, ташкилот, блогер ва бошқаларнинг саҳифаларини кузатмаслик керак.

#маълумот
@zarnigor1

Орамизда шу кунларда ёки январнинг 17 кунигача Москвадан Фарғона/Наманганга учиб кетаётган аёллар йўқми? 10 ёш қизчани юбориш керак, одам излаяпмиз.

Учиб кетаётганлар бўлса @help_ZO га ёки изоҳларга ёзсангизлар. Раҳмат.

@zarnigor1

Уёқ-буёқда Жалолиддин Аҳмадалиевни қўшиқларини эшитсам, Фарғона кўп эсимга тушади. Ассоциация бирдан Фарғона билан, негадир. Манимча, болаликдаги ҳамма қўшиқлар биз тарафда шу қўшиқчининг мусиқасига ўхшаш бўлгани учун. Ёки шеърларидаги сўзлар фарғоналикларнинг иқтибосига ўхшагани учун. Балки у ҳам, бу ҳамдир.

Москвада Жалолиддинни қаерда эшитиш мумкин, деб қизиққанларга: бозорларда (ҳа, бу ерда ҳам бор), таксида, кафеларда :)

@zarnigor1

Тузланган бодринглар бонкасига “свежий” бодринг солсангиз, бир кун келиб у ҳам тузланиб қолади. Минг уринманг тузланган бонкада “свежийлигича” сақлаб қололмайсиз.

Одамлар ҳам худдий шундай. Атрофимиз бизни шакллантиради. Ким билан бўлсак, ўшалардан бирига айланамиз.

#Жумамуборак💚
@zarnigor1

Бугун, 25 декабрь куни, Қозоғистон устида Озарбайжон ҳаво йўлалрига тегишли самолёт қулагани ҳақида эшитган бўлсангиз керак. Ҳалокат натижасида 38 киши вафот этгани, 29 киши тирик қолгани айтилмоқда. Йўловчилар орасида Озарбайжон, Россия, Қирғизистон ва Тожикистон фуқаролари бўлган.

Бакудан Грознийгача парвоз ярим соатни ташкил қилади. Лекин самолёт эрталабки украинларнинг дронлар билан ҳужум қилгани сабабли 3 мартагача аэропортга қўна олмагани ҳақида тирик қолган йўловчилар гапириб берган. Дронлар ҳужуми туфайли Грозний аэропортида "ковёр" режими киритилган, қалин туман бўлгани ҳақида ёзишмоқда. Устига худди шу вақтда Владикавказдаги савдо мажмуасида ҳам дрон ҳужуми натижасида ёнғин бўлган.

Тирик қолганлардан бири Субҳонқул Раҳмонов RTга берган интервьюсида самолёт яқинидаги портлаш овозидан кейин эктипаж Грознийга қўнмай бошқа жойга учиш қарорига келган. Қутқарув ниқобларининг ҳаммасида ҳам кислород бўлмаган.

Ҳалокат версияларидан ҳозирча тўрттасини ўқидим:
1. Двигаьельга кириб, уни ишдан чиқарган қушлар тўдаси
2. Дрон ҳужуми
3. Бортда портлаган кислород баллони

Тергов ва қора қути ўрганилганидан кейин ҳалокатнинг бошқа тафсилотлари хабар берилади, албатта. Кутамиз.

Ўткан сафар Ўзбекистондан учиб келган самолёт ҳам дронлар ҳужумига йўлиқишига озгина қолгани ҳақида хабарлар тарқалган эди. Бу сафар ҳам яна дронлар, "ковёр" режими ва 38 кишининг вафоти билан тугаган ҳалокат.

Инна лиллаҳи ва инна илайҳи рожиъун

@zarnigor1

Жуда кўп мигрантлар таксистдан бошлаб, тозаловчи, савдогар ва бошқаларгача наушник билан ишлашини кўп кўраман. Ниманидир эшитиб юриб, узундан узоқ зерикарли иш кунларини қисқартирса керак, деб ўйлайман.

Россияда ютуб бутунлай блокланаётгани ҳақида эшитган бўлсангиз керак. Шу муносабат билан саволим бор.

Иш вақтида наушникда асосан нима эшитасиз ва қайси сайтда?

@zarnigor1

МДҲда биринчи бўлиб Россияда кўпхотинликка рухсат берилгант кўпчилик учун кутилмаган янгилик бўлса керак

Биласизлар, Россияда ҳозир оила йили 👨‍👩‍👧‍👦. Демография, яъни аҳоли сони ўсиши билан катта муаммолар бор. Нотинчликлар, иқтисодий муаммолар, ўсиш ва ривожланиш каби нарсалар аҳоли бўлмаса ҳеч қандай аҳамият касб этмайди.

Ҳар қандай ютуқ ва камчиликлар демография муаммолари олдида муҳим эмас, чунки тараққиёт ва давлатчилик негизида аҳоли/халқ бўлиши керак. Шунинг учун бепоён Россия зудлик билан демографик муаммоларга қарши чора кўришда давом этаяпти.

Шу пайтгача нима қилинди?

▫️ЛГБТ* каби ноанъанавий, деструктив ва умуман негизида ўсиш ва тараққиёт бўлмаган идеологияларни тақиқлади
▫️чайлдфри (онгли равишда фарзанд кўрмаслик танлови) ғоясини тақиқлади
▫️иқтисодий шароитга қарамай болалар учун моддий кўмак дастурларини узайтирди (бола пули, маткапитал, пособие ва ҳ.к)
▫️оила қуриш ва бола туғиш учун шароитларни яхшилаш масаласида ташкилий ҳамма нарсага рухсат берди. Масалан, хоҳласангиз уйда туғинг болани, ҳужжатини осон расмийлаштирасиз, хоҳласангиз океанариум ичида ЗАГСдан ўтинг, келиб ўзлари расмий никоҳни қайд қилиб кетишади. Туғруқхоналар, болаларнинг ҳужжатларини расмийлаштиришда жуда МДҲда биринчи бўлиб қулайликлар бор, ЗАГС ходимлари ўзлари палатага келиб, боланинг суғуртасигача ҳужжатларни расмийлаштириб беради. Хуллас, шароитлари зўр.
▫️Оталикни белгилаш, умумий рўзғорни белгилаш (ЗАГС бўлмаса ҳам) жуда осонлаштирилди
▫️кўпболаликларга имтиёзлар, оила қурган талабаларга имтиёзлар кўпайтирилди
🔺ва мана энди, кўпхотинликка ҳам рухсат берилди 🎉

Россия диний қўмитаси — ДУМ РФ бу рухсат кимларга берилишини изоҳлаётиб, маълум сабабларга кўра аёл киши фарзанд кўрмаётган бўлса (туғмас, хоҳламас, “етар бас” ва ҳ.к) унда эри бошқа аёл билан никоҳланиб, фарзанд кўришда давом этиши мумкинлиги таъкидланган.

Айтганча, фатво ҳали чоп қилинмади, шу учун аниқ тафсилотлар билан таниш эмасмиз. Бироқ ҳозирча никоҳ давомида ҳуқуқий тавсиялар, никоҳ шартномаси бланки (!) берилиши айтилмоқда.

Тўғриси, ман хурсандман бу нарсадан. Яшириб, очиқламай юргандан кўра, ошкора никоҳ бўлса масъулият ҳам бўлади, инсофга чақириш, жамоавий таъсир қилиш енгилроқ бўлади. Бундай никоҳларда туғилган ва вояга етадиган болаларга осон бўлади. Фақат бу имконият суистеъмол қилинмаса бўлди энди.

Ҳуқуқий тарафи нима бўлади, дейдиган бўлсангиз, Россияда кўпхотинликка тўғридан тўғри қонуний тақиқ ва жавобгарлик йўқ, лекин Оила кодексида расмий никоҳдаги бир одам бошқа никоҳдан ўта олмаслиги ёзилган. Бу масалада ҳуқуқий амалиёт қандай бўлишини энди кузатамиз.

#таҳлил
@zarnigor1

Олдингизга умид, орқангизга шукр, ён томонларга эса меҳр билан қаранг.

#Жумамуборак💚
@zarnigor1