14-fevral kuni Navoiy garnizonidagi N-harbiy qismda viloyat madaniyat va turizm boshqarmasi N.Niyozov, Navoiy Davlat konchilik va texnologiyalar universiteti dotsenti Tursunov Akmal , O‘zbekiston Yozuvchilar uyushmasi viloyat bo’limi xodimi Berdiyev Jamshid, viloyat faxriylar kengashi raisi Ashurov Mirzo bilan hamkorlikda “Buyuk davlat arbobi va harbiy sarkarda Z.M. Boburning Sharq madaniyati, adabiyoti va she’riyatiga qo'shgan hissasi” mavzusida madaniy-ma’rifiy tadbir tashkillashtirildi. Tadbirga kelgan adabiyotshunoslar o'zbek mumtoz adabiyotining yirik vakili, shoh va shoir, tarixchi, geograf, davlat arbobi, istedodli sarkarda va Boburiylar sulolasi asoschisi Zahiriddin Muhammad Boburning sarkardalik hayoti va badiiy ijodi haqida muddatli harbiy xizmatchilarga so'zlab berdilar.