O'zbekiston Yozuvchilar uyushmasi Navoiy viloyat bo'limi

ONAMGA O‘XSHAYSAN

Men bilaman dunyosi shunday,
Gohi shodlik, gohi qayg‘uda.
Axir, seni sevmayman qanday,
Sen onamga o‘xshaysan juda.

Sevgi mening ko‘nglimdagi gul,
Umri jonim toza orzuda.
Faqat senga oshiqman butkul,
Sen onamga o‘xshaysan juda.

Oydin yuzing shu’lai oydir,
Gulnigohlar yo‘qdir ohuda.
Dilbandlar-la ko‘nglimiz boydir,
Sen onamga o‘xshaysan juda.

Pok visoldan qalbimiz osmon,
Yo‘llarimiz mudom yog‘duda.
Seni qattiq sevaman, tamom,
Sen onamga o‘xshaysan juda.

G‘ayrat Majid
-------
ОНАМГА ЎХШАЙСАН

Мен биламан дунёси шундай,
Гоҳи шодлик, гоҳи қайғуда.
Ахир, сени севмайман қандай,
Сен онамга ўхшайсан жуда.

Севги менинг кўнглимдаги гул,
Умри жоним тоза орзуда.
Фақат сенга ошиқман буткул,
Сен онамга ўхшайсан жуда.

Ойдин юзинг шуълаи ойдир,
Гулнигоҳлар йўқдир оҳуда.
Дилбандлар-ла кўнглимиз бойдир,
Сен онамга ўхшайсан жуда.

Пок висолдан қалбимиз осмон,
Йўлларимиз мудом ёғдуда.
Сени қаттиқ севаман, тамом,
Сен онамга ўхшайсан жуда.

Ғайрат Мажид

•┈┈• ❀ 🇺🇿📚🇺🇿 ❀ •┈┈•
Kanalimizga a'zo bo‘ling va do‘stlaringizga ulashing. ⬇️⬇️⬇️
t.me/gayratmajidijodiykanali
•┈┈• ❀ 🇺🇿📚🇺🇿 ❀ •┈┈•

​​TOLE

Aziz Ona,
Munis Opa, Singil, Yor,
Dunyo shoir bugun, yogʻdirar olqish:
Siz baxtli boʻlsangiz – boshlanar bahor,
Siz yayrab kulsangiz – chekinadi qish.

Sizdan najot kutar junjikkan jahon,
Jilmaying – erisin bezraygan muzlar.
Kimdir gul tanlaydi Siz uchun shu on,
Kimdir Siz yoqtirgan atirni izlar.

Sizning koʻnglingizni olmoq qasdida,
Olov, suv, tuprogʻu havo muntazir.
Sizni tabriklaymiz! Lekin, aslida
Bizni qutlasangiz, ming karra arzir.

Axir, taqdir siylab baxtimiz kulgan
(Mumkin edi bahor – baxtga zor boʻlmoq),
Biz uchun umrlik bayramdir ulkan –
Sizga oʻgʻil, aka, uka, yor boʻlmoq!

-----------------

ТОЛЕ

Азиз Она,
Мунис Опа, Сингил, Ёр,
Дунё шоир бугун, ёғдирар олқиш:
Сиз бахтли бўлсангиз – бошланар баҳор,
Сиз яйраб кулсангиз – чекинади қиш.

Сиздан нажот кутар жунжиккан жаҳон,
Жилмайинг – эрисин безрайган музлар.
Кимдир гул танлайди Сиз учун шу он,
Кимдир Сиз ёқтирган атирни излар.

Сизнинг кўнглингизни олмоқ қасдида,
Олов, сув, тупроғу ҳаво мунтазир.
Сизни табриклаймиз! Лекин, аслида
Бизни қутласангиз, минг карра арзир.

Ахир, тақдир сийлаб бахтимиз кулган
(Мумкин эди баҳор – бахтга зор бўлмоқ),
Биз учун умрлик байрамдир улкан –
Сизга ўғил, ака, ука, ёр бўлмоқ!

@n_jonuzoq