Ko’ksuv daryosi/yorig’i - Ko’ksuv trekkingda o’zini kuchini sinab ko’rmoqchi bo’lganlar uchun umumiy 36 kmlik ideal manzil. Yo’l uzoqligi atrofdagi go’zalliklar, dara bo’ylab tagidagi toshlar ham ko’rinadigan darajada tiniq, shaffof bo’lgan daryoni ko’rib zavqlanib, umuman bilinmay ketadi. Ko’ksuv ga 1 kunlik sayohatga chiqish eng ahmoqona va xato ish bo’ladi. 2 yil oldin, bunday xatoni takrorlaganmiz, va albatta yaxshigina tazirimizni yeganmiz. Shuning uchun, bu safar bunday xatoni to’g’irlash imkoniyati bizda bor va biz bundan foydalanmiz. Ko’ksuvga palatka va qarmoq bilan, 2 kunlik sayohat rejasi ham tayyor. Mazasi o’zgacha shirin bo’lgan - Marinka va faqat toza tog’ suvida uchraydigan Forel baliqlarini tutish va uni tabiat qo’ynida steyk qilib yeyishni dunyoni manaman degan 5 yulduzli mehmonxonalari ham taklif qilmasa kerak.