Продам твой канал за сутки.

Любой по федеральной программе.

Продам канал с доходом 138090

Всего за 55 000. Срочно нужны деньги.

Telegram Analytics

TGStat хизмати янгиликларидан бохабар бўлиш учун обуна бўл!

Statistika Saralanganlar

Yo'ldagi fikrlar

@yoldagifikrlar

Kanal geosi va tili: O‘zbekiston, O‘zbekcha

Toifa: Bloglar

Bu yerda yo'l-yo'lakay fikrlar berib boriladi. Bu fikrlarga qo'shilmaslik huquqi bor)

Связанные каналы

Kanal geosi va tili

O‘zbekiston, O‘zbekcha

Toifa

Bloglar

Statistika

Postlar filtri

O‘chirilganlarni yashirish

Repostlarni yashirish

Yo'ldagi fikrlar

16 Jan, 21:32

Bomdodni masjidda oʻqiysan, masjiddan chiqib tong qorongʻusida masjiddagi keksalarni ogʻir qadam bosishiga ergashasan. Ulardan farqli ogʻir qadam bosishing, sen hech qayerga shoshmaysan. Vazminlik va sokinlik bilan masjid yonidagi “firin”ga kirasan.

Firin atrofini yangi yopilgan kulchalar, pechdan chiqqan issiq bureklar, simit va bulochkalar hidi tutib ketgan. Bolalikdagi tandirda yopilgan nonni hidini eslatadi…

Sotuvchiga 6 dona issiq simit berishini iltimos qilasan. Yoshgina qizcha:
-Yumshoqmi, “chitirmi”? (Qirsillab pishganimi deya soʻraydi)
-Yumshogʻidan…

6 dona simitni avval qogʻoz paketga undan soʻng, selofan paketga solib beradi. Yoʻl-yoʻlakay uy yonidagi doʻkondan bir tilim qaymoq olasan. Uyga kelib, issiq simit va qaymoqga qaynoq choyni hamroh qilib nonushta qilasan…

Mana shuni baxt oddiylikda desa kerak.

21 0 0

Yo'ldagi fikrlar

2 Jan, 15:25

00:35

Video oldindan ko‘rish uchun mavjud emas

Telegram'da ko‘rish

Boshlang’ich reja umuman boshqa edi, boshqasiga o’zgarib ketdi. Hayotga ozgina rang-baranglik ham kerak

39 0 0

Yo'ldagi fikrlar

1 Jan, 07:36

The Grey: tabiat va hayot uchun kurash

Hozirgina The Grey filmini ko‘rib tugatdim. Film Alyaskaning muzlagan tundrasida samolyot halokatiga uchragan bir guruh odamlarning hayot uchun kurashi haqida. Film boshida qattiq sovuq va oziq-ovqat yetishmovchiligi eng katta xavf deb o‘ylagandim, lekin bo‘rilar bunday vaziyatda haqiqiy dushman ekanini angladim.

Bo‘rilar filmda faqat yirtqich emas, balki aqlli strateglar sifatida tasvirlangan. Ular odamlarni doimiy kuzatib, zaif tomonlarini kutib ov qilishadi. Bu nafaqat hayvonlar bilan kurash, balki o‘lim bilan yuzma-yuz kelib, u bilan kurashishga o’xshaydi.

Liam Neeson ijro etgan Jon Ottway qahramoni qiyinchiliklarga qaramay kurashishda davom etadi. Ammo filmning asosiy nuqtasi shuki: eng katta jang tabiat bilan emas, o‘z ichingdagi qo‘rquv va taslim bo‘lish hissi bilan bo‘ladi.

Bu filmni ko‘rib, ekstremal sharoitlarda omon qolish faqat kuch va chidamlilikni emas, aql va jasoratni ham talab qilishini tushundim. Tabiat bilan kurashishning o‘zi qiyin, lekin bo‘rilar kabi aqlli yirtqichlarga qarshi chiqish — bu haqiqiy sinov. Hayot nafaqat kurashish, balki uni qadrlash uchun berilgan.

44 0 0

Yo'ldagi fikrlar

31 Dec 2024, 18:43

Baribir eng chiroyli salyutni dinozavrlar ko’rgan 😁

25 0 0 2

Yo'ldagi fikrlar

31 Dec 2024, 18:42

Yangi yil salyuti boshlandi 🫤

23 0 0

Yo'ldagi fikrlar

29 Dec 2024, 20:59

Loyihaga doir barcha ma’lumotlar, topshiriqlar va kanban metodi uchun Notionni ko’pchilik tavsiya qilishardi. Notion juda kuchli va foydali platforma ekanligini bilsamda, murakkab va foydalanish tushunarsiz deb ishlatishni ortga surib kelardim.

Oxiri ishga doir ma’lumotlar, jadvallar va tegishli tasklar har qayerda sochilib ketdi. Ba’zida telegram saved messagesga saqlayman, ba’zida google docs ochib unga saqlayman va kerak bo’lsa google sheets gayam saqlab ketardim. Va bu esa juda tartibsiz holatga kelib qoldi, o’zim qayerga nima saqlaganimni esimdan chiqaradigan darajaga yetib keldi.

Vanihoyat, Notiondan ro’yhat o’tib, loyihalarimga oid barcha narsani notionga ko’chirib chiqdim. Aslida tartibni yaxshi ko’radigan insonman, faqat biroz dangasaligim bor.

Notionni istalgan biznes - loyiha uchun ishlatsa bo’ladi.

27 0 0

Yo'ldagi fikrlar

24 Dec 2024, 10:21

00:27

Video oldindan ko‘rish uchun mavjud emas

Telegram'da ko‘rish

Qishda tog’ sayohatiga chiqishda yomon ob-havo va qalin qordan ko’ra yana bir boshqa xavf doimo bo’ladi. Kunlar sovib, tog’ ichkarisida ozuqa yetishmagandan ko’p yovvoyi hayvonlar, jumladan, bo’rilar to’dasi 1000-1500 metr balandlikkacha pastlaydi, ba’zan aholi yashaydigan qishloqlargacha tushib kelishi mumkin.

Bo’rilar to’da bo’lib ov qiladi, va 1 metrlik qalin qorda ham 30-40 km/soatgacha yugura oladi. Undan qochish qutulish manimcha imkonsiz bo’lsa kerak )

28 0 1 2

Yo'ldagi fikrlar

22 Dec 2024, 20:53

Shunchaki miyaga kelgan g’oya — kafe, restoranlar platformaga kirib, kunlik qolib ketgan(mijozlardan emas) ovqatni(mahsulotlarni) chegirma narxda kiritib qo’yadi, barcha chegirmali ovqat-mahsulotlar yagona ilovada hammaga ko’rinib turadi. Bu ilovani dostavka xizmatlari (Yandex, Uzum, Delever) orqali mijozlarga tezda yetkazib bersa bo’ladi.

Bu g’oyadan qanday qilib pul ishlash mumkin?
— Har bir sotilgan mahsulotdan 3-5% atrofida komissiya yoki restoran kafelar uchun har oylik obuna to’lovi

32 0 0

Yo'ldagi fikrlar

22 Dec 2024, 20:49

Oxirgi bir yilda qarashlarim ancha o’zgarib, har bir muammoli vaziyatni ko’rsam, qanday qilib shuni ustida startup qurish haqida o’ylaydigan bo’lib qolibman. Keyingi yil President Tech Award xakatonida qatnashib, 1-o’rin olish uchun zo’r startup topib qo’ydim, bu yildagiga o’xshab shoshib qolmaslik uchun, ko’p qismini oldindan tayyorlab qo’yishim kerak.

32 0 1

Yo'ldagi fikrlar

9 Dec 2024, 20:42

Britaniyalikni ismi Roben ekan, kofe berganimizga minnatdorchilik sifatida shuni sovg’a qilib berdi, jalaqandga o’xshagan nimadirga o’xshadi, aslida man angliya vizasini kutgandim, hazil 😅

52 0 0

Yo'ldagi fikrlar

9 Dec 2024, 20:41

Biz esa oyoq kiyim yaxshi emasligi uchun ham, sekin yurishda davom etdik. Cho’qqiga 100 metrcha qolganda ya’ni 2000 metrlarda baland archa tagida kofe ichib o’tirgandik, boyagi sayyoh cho’qqidan qaytayotgan ekan, yana kofe taklif qildim va doimgidek tortinmasdan kofeni ichib oldi. Bu safar qiziquvchanligim tutib, akani gapga soldim.

Aytishiga qaraganda, O’zbekistonga 6 oy oldin kelibdi, Uelslik ekan (Buyuk britaniya). Britaniyani O’zbekistondagi Harbiy attashesi ekan, mayor unvoni ham bor ekan. Ancha yillar oldin, Buyuk Britaniya havo mudofaa xizmatida uchuvchi bo’lib ham ishlagan ekan. Harbiy attashe maqveyi elchi bilan deyarli bir xil yuradi. Ko’rinishidan 40 yoshlikka o’xshaydi, aslida esa 52 yoshda ekan. Bizda esa bu yoshda faqat choyxona boradi va asta sekin kasalxonaga qatnashni boshlaydi.

Harbiy attashe ham tog’ sayohatlariga juda qiziqar ekan. O’tgan oy 3309 metrlik Katta chimyon cho’qqisiga chiqib, -10 gradus sovuqda bir kun tunab qolibdi. Eng baland cho’qqisi 6650 metr ekan, yomon emas dedim.

Kontakt almashdik, kelgusi safarlarda rejalarimiz o’xshasa birga sayohat qilishga kelishib oldik

43 0 0

Yo'ldagi fikrlar

9 Dec 2024, 20:32

Kechagi sayohat davomida bizdan ancha ortda bir sayyoh kelayotganini ko’rdik, va hali beri yetib kelmasa kerak degan fikrda, uni kutmaslikka qaror qildik. Yo’q adashibmiz, biz gaplashib atrofni rasmga olib yarim soat yurmasimizdan bizga yetib keldi.

Avvaliga bu sayyohni rus deb o’ylab, ruscha gaplashdik. Qarasak, ruschasi ham biznikidan qolishmaydigan darajada rasvo, aksent bilan gapiryapti. Demak chet ellik ekan deb o’yladim, lekin so’ramadim.

Biz kofe ichib o’tirgandik, unga ham kofe taklif qildim, o’zbeklarga xos bo’lgan yolg’ondakam “yo’q rahmat aka shart emas”, degan tortinchoqlik ko’rinmadi. Darhol, “Спасибо” deb 1 krushka kofeni ichib, yo’lida davom etdi.

32 0 0

Yo'ldagi fikrlar

9 Dec 2024, 10:54

00:14

Video oldindan ko‘rish uchun mavjud emas

Telegram'da ko‘rish

Cho’qqi tepasida harorat -10 gradusgacha tushib ketgan, kuchli shamol esa sovuqni -15 -20 dek his qildiradi. Hattoki ba’zi vaqtlarda kipriklarim ham muzlab, ko’zni ochish ham qiyin bo’lib qoldi.

36 0 1

Yo'ldagi fikrlar

9 Dec 2024, 10:51

Bu kuchuk ham biz bilan birga cho’qqini zabt etib, birga qaytib ham tushdi. Bizdan ko’ra qorda zo’r yurdi, umuman sirg’anib ham ketmadi, charchamadi ham.

Mukofotiga non va Rozmetov sosiskalaridan qorni to’yguncha berdik )

28 0 0

Yo'ldagi fikrlar

9 Dec 2024, 10:39

Bu cho’qqini zabt etgandagi kayfiyatim 😅

Bu zavqni uncha muncha narsa berolmasa kerak

24 0 0

Yo'ldagi fikrlar

9 Dec 2024, 07:51

Sherigim 3.2 litrlik katta termosga kofe damlab olgandi, yo’l davomida issiq kofe, juda asqotdi.

O’zim bilan birga Startup Garage bergan krushkamni(o’zbekchasini bilmiyman) ovolgandim, bahonada bepul reklama qiberdim.

27 0 0

Yo'ldagi fikrlar

9 Dec 2024, 07:47

00:22

Video oldindan ko‘rish uchun mavjud emas

Telegram'da ko‘rish

Kecha cho’qqiga ko’tarilish muvaffaqiyatli bo’lgani bilan, ancha qiyinchiliklar bilan bo’ldi. Bunga bir necha sabablar bor.

Birinchidan, trekking uchun deb uzumdan olgan oyoq kiyim issiq bo’lgani bilan, deyarli tishlarsiz ekan ya’ni qorli sirpanchiq yo’llarda pand beradigan, va bunday sharoitga moslanmagan ekan. Bundan tashqari, trekking tayoqchalar ham uyda qolib ketganligi uchun, ko’tarilishda ancha qiyinchiliklar bo’ldi

31 0 0

Yo'ldagi fikrlar

9 Dec 2024, 07:42

00:35

Video oldindan ko‘rish uchun mavjud emas

Telegram'da ko‘rish

Haqiqiy qish manzarasi.

Kechasi bilan yog’ib chiqqan qor, daraxtlarga o'zgacha go’zallik bag’ishlagan. Atmosferadagi qolgan chang-g’uborlar ham bunday yog’ingarchilikdan keyin qolmasa kerak.

25 0 0

Yo'ldagi fikrlar

9 Dec 2024, 07:34

Chimyon taraflarda qor juda ko’p yog’adi, sababi yog’inli bulutlar 2000-3000 metrlik tog’lar tizmasiga kelib o’tib ketolmaydi va o’sha yeda to’planib, yomg’ir-qor ko’rinishida yog’in bo’laveradi

20 0 0

Yo'ldagi fikrlar

9 Dec 2024, 07:32

O’tgan hafta boshida ob-havo ma’lumotlariga qarab, hafta oxiri shanba yakshanba kunlari tog’larda kuchli qor yog’ishi prognozini ko’rib, bu ob-havoda birorta 2000-2500 metr balandlikdagi tog’ cho’qqisiga ekstremal sayohat qilish kerak degan fikr paydo bo’ldi.

Dastlab Qo’ng’irbuqa (1981m) yoki Mozorjon(2550) cho’qqilariga borishni rejalashtirdim. U cho’qqilar yo’li va landshaftini hisobga olib, sayohatni Kichik Chimyon cho’qqisiga o’zgartirdim.

Sayohatni 10:10 da Fanat Sanatoriyasi yonida boshlab, 14:40 da 2099 metr balandlikdagi Kichik chimyon cho’qqisiga yetib bordik. Rejada 2-2.5 soatga rejalashtirilgan sayohat, ba’zi sabablarga ko’ra 4 soatdan oshib ketdi.

24 0 0

20 ta oxirgi post ko‘rsatilgan.

5

obunachilar

Kanal statistikasi

Kanalda mashhur

Bomdodni masjidda oʻqiysan, masjiddan chiqib tong qorongʻusida masjiddagi keksalarni ogʻir qadam ...