Янги Наманган тумани ҳокимлиги | Расмий телеграм канали

🔰 Акциядорлик жамиятлари ходимларига акцияларни сотиб олиш учун имтиёзли ҳуқуқ берилади

▫️Фонд биржаларини ким бошқаради? Янги қонунга кўра, энди бу вазифа Истиқболли лойиҳалар миллий агентлиги зиммасига ўтади. Мазкур ҳужжат акциядорлик жамиятлари фаолиятини ислоҳ қилишга, электрон тижорат соҳасида шаффофликни таъминлашга ва инвесторлар ҳуқуқларини ҳимоя қилишга қаратилган.

Энг муҳими — акциядорларга тўланадиган дивидендлар борасидаги ҳуқуқлар қонуний кафолатланади. Жамият ходимларига эса акцияларни имтиёзли шартларда олиш имкони яратилади. Шу билан бирга, компанияларга мажбурий қилинган веб-сайт орқали ахборот бериш талаби соддалаштирилади.

Инвесторлар учун қулай муҳит яратишга қаратилган бу ислоҳотлар бозор барқарорлигига ҳам ижобий таъсир кўрсатиши кутилмоқда.

❗️ Имтиёзли кредит ажратилиши тартиби (босқичлари)!

📑 Оилавий тадбиркорлик дастури доирасида ҳоким ёрдамчиси тавсияси асосида имтиёзли кредит ажратилиши механизми қуйидагича:

🔷 1. Электрон тарзда ариза қолдириш
🔷 2. Скоринг таҳлил
🔷 3. Ҳоким ёрдамчиси томонидан кўриб чиқиш
🔷 4. Кредит шартнома тузиш
🔷 5. Маҳсулот сотиб олиш ва етказиб бериш
🔷 6. Мониторинг ўтказилиши ҳамда тўлов амалга оширилиши

✅ Батафсил юқорида расмда кўрсатиб ўтилган.

Kредитга ариза бериш

🌤 ⛅️☀️Наманганда 21 апрель куни айрим жойларда қисқа муддатли ёмғир ёғиб, момақалдироқ бўлиши мумкин.

Ўзгидромет 21 апрель, душанба куни кузатиладиган об-ҳаво маълумотини эълон қилди.

▫️Наманган вилоятида ҳаво ўзгариб туради, айрим жойларда қисқа муддатли ёмғир ёғиб, момақалдироқ бўлиши мумкин. Шарқдан секундига 5-10 метр тезликда шамол эсади. Кечаси 7-12, кундузи 18-23 даража илиқ бўлади.

▫️Республикамизнинг тоғолди ва тоғли ҳудудларида ҳаво ўзгариб туради, айрим жойларда ёмғир ёғади. Баланд тоғли жойларда қор ёғиши мумкин. Сел келиши хавфи бор. Шарқдан секундига 7-12 метр тезликда шамол эсади. Кечаси 2-7, кундузи 10-15 даража илиқ бўлади.  

👉 Sayt | Telegram | Facebook | Instagram | Youtube | Guruh

Наманганда хатто бекатлар ҳам ҳаммани гуллар фестивалига чорлаяпти!

Наманган шаҳрида бўлиб ўтадиган анъанавий Халқаро Гуллар фестивалига тайёргарлик ишлари қизғин. Янги Наманган туманида жойлашган жамоат транспорт бекатларида фестивалга чақирувчи байнерлар ўрнатилиб, шаҳар аҳолисини ва меҳмонларни ушбу гўзал тадбирда иштирок этишга чорламоқда.

Фестивалга тайёргарлик доирасида шаҳар гулларга бурканиб, атроф янада гўзал ва файзли тус олди. Кўчалар, боғлар ва жамоат жойлари гуллар билан безатилиб, умумий кайфият янада кўтаринкилик касб этмоқда.

Барча юртдошларимизни ва меҳмонларни Наманганда бўлиб ўтадиган гўзаллик ва анъаналар мужассамланган фестивалда иштирок этишга таклиф қиламиз.

Наманганда кутамиз!

Янги Наманган тумани ҳокимлиги ахборот хизмати

👉 Sayt | Telegram | Facebook | Instagram | Youtube | Guruh

⚽️ ЭРТАГА ФУТБОЛ!

🔵 “СУРХОН” 🆚 “НАВБАҲОР” 🟡

🏆|Ўзбекистон Суперлигаси. 6-тур.
🗓| 21.04.2025 (душанба)
🏟| “Сурхон-арена” стадиони. Термиз
⌚️| 20:00
🔘|Ҳакамлар: Наим Қосимов, Фарҳод Усмонов, Элнур Дониёров;
🔘|Захира ҳаками: Шоҳинур Бойматов;
🔘|VAR ҳаками: Фирдавс Норсафаров;
🔘|АVAR: Зилола Раҳматова;
📝|Назоратчи: Зокир Қодиров;
⚪️|Комиссар: Ойбек Икромов.

Наманган вилоятида аёллар ҳуқуқлари ва фаоллигини ошириш бўйича амалга оширилган ишлар муҳокама қилинди

2025 йилнинг биринчи чорагидаги фаолият юзасидан ўтказилган таҳлилий йиғилишда Президентнинг ПҚ-1 сонли қарори ижроси доирасида Наманган вилоятида амалга оширилган ишлар кўриб чиқилди. Йиғилишда Оила ва хотин-қизлар қўмитаси раиси ўринбосари Мукаррам Нурматова, маҳаллий ҳокимият ва ташкилотлар вакиллари иштирок этди.

Тадбирда аёлларнинг ҳуқуқларини ҳимоя қилиш, уларнинг ижтимоий, иқтисодий ва маданий фаоллигини ошириш, таълим ва касб танлашдаги имкониятларини кенгайтириш, тиббий ва ижтимоий хизматлардан фойдаланиш имкониятларини яхшилаш борасида қилинган ишлар таҳлил қилинди.

Йиғилиш давомида ҳар бир туман ва шаҳарда мавжуд муаммолар, уларни ҳал этиш йўллари муҳокама қилиниб, аёллар учун махсус хизматлар ва кўмак дастурларини ташкил этишнинг долзарблиги қайд этилди. Шунингдек, раҳбарларнинг аёллар ҳаётини яхшилашга қаратилган янги ташаббусларини қўллаб-қувватлашга алоҳида эътибор қаратилди.

👉 Sayt | Telegram | Facebook | Instagram | Youtube | Guruh

🌤 ⛅️☀️Наманганда 20 апрель куни 21 даражагача илиқ бўлади.

Ўзгидромет 20 апрель, якшанба куни кузатиладиган об-ҳаво маълумотини эълон қилди.

▫️Наманган вилоятида ҳаво ўзгариб туради, ёғингарчилик бўлмайди. Шарқдан секундига 7-12 метр тезликда шамол эсади. Кечаси 5-10, кундузи 16-21 даража илиқ бўлади.   

▫️Республикамизнинг тоғолди ва тоғли ҳудудларида ҳаво ўзгариб туради, айрим жойларда ёмғир ёғади. Сел келиши хавфи бор. Шарқдан секундига 7-12 метр тезликда шамол эсади. Кечаси 0-5, кундузи 10-15 даража илиқ бўлади.  

👉 Sayt | Telegram | Facebook | Instagram | Youtube | Guruh