YANGI ASR UNIVERSITETI

🌐Telegram | 📷  Instagram |🔵  Facebook | 🌐Veb sayt

Амалиёт

📚Бугун 20 декабр куни, YANGI ASR UNIVERSITETI талабалари тютор Ж.Носиров бошчилигида Педагогика ва психология таълим йўналиши талабалари билан Ўзбекистон Республикаси Президенти ҳузуридаги Ўзбекистон Республикасининг Биринчи Президенти Ислом Каримов номидаги илмий-маърифий ёдгорлик мажмуасига экскурсияга боришди.

🔖Мажмуа таркибида:
-Музей
-Илмий-тадқиқот ва таълим маркази
-Кутубхона ва ўқув зали
-Конференция зали мавжуд.
Мажмуа ўз фаолиятини Ислом Каримов номидаги Республика хайрия жамоат фонди билан ўзаро ҳамкорликда олиб боради.

🌐Telegram | 📷  Instagram |🔵  Facebook | 🌐Veb sayt

Муҳим сана

🌐20 декабр - Халқаро инсонлар бирдамлиги куни
International Human Solidarity Day

20 декабр БМТ ташаббуси билан Халқаро инсонлар бирдамлиги куни нишонланади. Бу сана Бош Ассамблеясининг 2005 йил 22 декабрдаги резолюцияси билан эълон қилинган .

Бош Ассамблея ўз резолюциясида ХХI асрда халқаро муносабатларни асос қилиб олиши керак бўлган асосий ва умуминсоний қадриятлардан бири ҳамжиҳатлик эканлигини таъкидлайди.
Ҳамжиҳатлик - умумий манфаатлар ва умумий гуруҳ мақсадларига эришиш заруриятига асосланган ижтимоий гуруҳ аъзоларининг эътиқодлари ва ҳаракатларининг бирлиги, ўзаро ёрдами ва умумий жавобгарлигидир. Шунингдек, қашшоқлик ва зулмдан азият чекаётган инсонлар билан бирдамлик БМТ ташкил топганидан бери унинг асосий тамойилларидан бири бўлиб келган.

Ўзбекистон Президенти Шавкат Мирзиёев ҳам 2020 йил, 23 сентябрида Бош Ассамблеянинг 75-сессиясида сўзлаган нутқида БМТ Бош Ассамблеясининг яқинлашиб келаётган сессиясида қашшоқликка қарши кураш мавзусини асосий мавзулардан бири сифатида белгилаш ва ушбу муаммога бағишланган глобал саммит ташкил қилишни таклиф қилган эди.

@grandtalim
@yangiasruniversiteti

Билимлар синови

📚YANGI ASR UNIVERSITETIда ўтказиб келинаётган "Заковат" интелектуал ўйининг финал босқичи ўтказилди

Саволлар Академик бўлим бошлиғи Ихтиёр Салаев, Абдулҳамид Зайриевлар томонидан тузилди. Финалда қизғин ўтган баҳсларда ғолиб бўлган жамоалар университет раҳбарияти томонидан  диплом ва ташаккурномалар билан тақдирландилар. Ғолиб жамоанинг ҳар бир аъзосига «ҒОФУР ҒУЛОМ» Нашриётида чоп этилган 4 - жилдлик «Ал-Қомус» арабча-ўзбекча қомусий луғати мукофот сифатида тақдим этилди.

Ғолиб жамоалар олий таълим муассасаларининг талабалари ўртасида ўтадиган "Заковат" интеллектуал олимпиадага йўлланма олишди.

🌐Telegram | 📷  Instagram |🔵  Facebook | 🌐Veb sayt

🌐Telegram | 📷  Instagram |🔵  Facebook | 🌐Veb sayt

Янгиликлар

🎁 YANGI ASR UNIVERSITETIда Янги йил шукуҳи

Университет фойесига чиройли ўйинчоқлар осилган, чиройли безатилган арча ўрнатилди. 2024 йил якунига етиб 2025 йил кириб келишига саноқли кунлар қолди... Бутун дунёда ва Ўзбекистонда ҳам ҳаммаёқ, кўчалар, бозорлар ва парклар Янги йил муносабати билан арча, ўйинчоқ ва турли безаклар билан безалмоқда.

Янги йил муносабати билан пойтахтимиз Тошкентда 25 декабрдан 10 январгача байрам тадбирлари бўлиб ўтади. Бош арча Миллий кутубхона яқинида ўрнатилади.

🌐Telegram | 📷  Instagram |🔵  Facebook | 🌐Veb sayt

Хорижий тиллар

🌎18 декабр - Халқаро араб тили куни
#xalqarotadbir

Араб тили бугунги кунда дунёда энг кенг тарқалган ва энг талабгир тиллардан ҳисобланади. Бу талаб борган сари ўсиб бормоқда. Араб тили дунёдаги 350 миллионга яқин кишининг она тилиси ҳисобланади.

У Осиё ва Африкадаги 22 давлатнинг расмий тили ҳисобланади. Араб тилида кўп сўзлашувчи аҳоли Саудия Арабистони, Ироқ, Қувайт, Сурия, Миср, Иордания ва Ливан давлатлари ҳиссасига тўғри келади. Шунингдек, араб тили жаҳондаги Ислом динига эътиқод қилувчи 1 миллиарддан ортиқ инсонлар учун эътиборли ва ҳурматли тилдир.

18 декабр Халқаро араб тили куни сифатида кенг нишонланади. Турли тадбирлар, учрашувлар ва конкурслар ташкил этилади. 2012 йилга келиб, ЮНЕСКОнинг 190- ижроия кенгаши сессиясида Марокаш, Саудия Арабистони ва Ливиянинг таклифига биноан ушбу санани Халқаро араб тили куни сифатида нишонлаш тайин қилинган.

Араб тили Бирлашган Миллатлар Ташкилотининг 6 та расмий тили – инглиз, испан, хитой, рус ва француз тилларининг биридир.

@grandtalim
@yangiasruniversiteti

🌐Telegram | 📷 Instagram |🔵 Facebook | 🌐Veb sayt

Маърифат улашиб

🔰YANGI ASR UNIVERSITETIнинг профессор - ўқитувчи ва ходимлари Сирдарёга вилоятига сафар қилишди

Ўқувчиларни ватанпарварлик ва юртимиз келажагига дахлдорлик руҳида тарбиялашга ҳисса қўшиш мақсадида “Маърифат улашиб” лойиҳаси ташкил этилган. Университетга Сирдарё вилоятидаги жами 14 та умумтаълим мактаблари бириктирилган.
Шу сабабдан университет профессор - ўқитувчи ва ходимлари ҳамда шоир ва адиблар Султонмурод Олим, Салим Ашур ва Абдураззоқ Обрўйлар Сирдарёга вилоятига сафар қилишди. Улар иштирокида мактабларда бадиий тадбирлар ўтказилди. Тадбирлар кўтаринки руҳда ташкил этилиб, учрашувлар якунида ўқувчиларга спорт анжомлари ва эсдалик совғалар тақдим этилди.

🌐Telegram | 📷 Instagram |🔵 Facebook | 🌐Veb sayt