#Отамиз_учун_ижод

Исо келмаса...

Пул топиб, бойлик деб
Недур аҳволим
Қайда бўлар эдик
Битта саволим?
Жаннатга элтарму
Уй, жойим, молим
Агар ер юзига
Исо келмаса?

Ўйлаб кўринг бир бор
Азиз биродар
Ўйлаб кўринг сиз ҳам
Заҳматкаш падар.
Ака, ука, сингил
Опа, эй, жигар
Жаннатга элтарму
Уй, жойим, молим
Агар ер юзига
Исо келмаса!!!

Юрак тўла хасад
Юрак тўла ғам
Кимга боқма, кимдан
Сўрама бор кам
Пулга сотиб олиб
Бўлмайди ҳеч ҳам
Жаннатга элтарму
Уй, жойим, молим
Агар ер юзига
Масиҳ келмаса!

Тоғлар қулар бир кун
Манманлар қулар
Исо Нажоткорим
Демаган ўлар
Бир кун мағрур қалбинг
Заққумга тўлар
Жаннатга элтарму
Уй, жойинг молинг
Агар ер юзига
Исо келмаса!

Охиратни ҳеч ким
Ўйламай қўйди
Ўйласа ҳам руҳан
Бўйламай қўйди
Шайтонни дастидан
Ким жондан тўйди
Нажотсиз не кечар
Бу кун аҳволим
Агар ер юзига
Масиҳ келмаса?

Ота меҳрингиздан
Йиғладим юм-юм
Агладим мен учун
Севгингиз муҳим
Санолар битаман
Саноларим чин
Нажоткорсиз охир
Не кечар ҳолим
Агар ер юзига
Исо келмаса???

Равшан Хизиров