Tadqiqot davomida biz o'zbek immigrantlaridan aynan qanday ijtimoiy-psixologik qiyinchiliklar mavjudligi haqida so'ragandik, ulardan ayrimlari muommo sifatida o'z yurtdoshlarini ko'rsatishdi. vatandoshlar bilan aloqa qilishdagi muammolar respondentlarning faqat kichik qismi tomonidan qayd etilgan bo‘lsa-da, bu masala o‘ziga xos ahamiyatga ega. Ayrim immigrantlar vatandoshlar bilan aloqa qilishdan qochishga yoki bunday aloqalarni minimallashtirishga harakat qilishadi. Buning sababi shundaki, aksariyat o‘zbeklar o‘z vatandoshlariga ishonmaydilar va ular bilan shubha bilan munosabatda bo‘ladilar.