Suv — bebaho boylik! Insoniyat hayoti davomida suv va suv manbalaridan to‘g‘ri foydalanish hamda ularni himoya qilish muhim ahamiyatga ega. Shu sababli ichimlik suvi bir qator gigiеnik talablarni qondirishi lozim:

💬 Epidemik xavfsizlik — kasallik chaqiruvchi mikroorganizmlardan xoli bo‘lishi;
💬 Radiatsiya xavfsizligi — inson salomatligiga zararsiz bo‘lishi;
💬 Kimyoviy zararsizlik — xavfsiz tarkibga ega bo‘lishi;
💬Yaxshi organoleptik xususiyatlar — ta’mi, hidi va tiniqligi me’yoriy bo‘lishi.

💬 Ichimlik suvi nima uchun xlorlanadi?
Markazlashgan suv ta’minoti tizimida ichimlik suvini xlorlash uning tarkibini zararli mikroorganizmlardan tozalash uchun amalga oshiriladi. Katta suv inshootlarida suvni xlorlash uchun suyuq xlor ishlatiladi.

Xlorlashdan keyin:

⚡ Suvda qolgan xlor miqdori me’yori 0,3–0,5 mg/l darajasida bo‘ladi;
⚡ Iste’molchiga yetib borguncha suv tarkibida qolgan xlor bug‘lanib ketadi.

Suvdan foydalanish bo‘yicha tavsiyalar:

🔴 Suvni tindirib, keyin qaynatib iste’mol qilish maqsadga muvofiq.
🔴 Qaynatilgan suvda paydo bo‘ladigan oq yoki sarg‘ish cho‘kma inson salomatligi uchun zararsizdir.
🔴 Ba’zan temir quvurlardagi zang suvning rangini o‘zgartirishi mumkin, ammo bu zararli emas va suv oqib ketishi bilan yo‘qoladi.
🔴 Suv bosimi yuqori bo‘lganda quvurlardan chiqqan suvning ko‘pirilishi tabiiy hol bo‘lib, hidsiz bo‘ladi.

Unutmang!
Filtrlash tizimlari ichimlik suvining sifatini oshirish uchun muhim. Uyda ishlatiladigan filtrlar gigiyenik va muvofiqlik sertifikatiga ega bo‘lishi kerak.

📢 Sanitariya-epidemiologiya
qo‘mitasi axborot xizmati