Toʻplamdan oʻrin olgan hikoyalar gʻaroyib usulda yozilgan. Aslida, yozuvchi hayotda koʻrgan-bilgan, kimlardandir eshitgan va yozishga “turtki” bergan voqealarini badiiy boʻyoqlar vositasida qogʻozga tushiradi. Ulugʻ shoir Hamid Olimjonning “Koʻp ertak eshitgandim, Soʻylab berardi buvim” degan satrlariga monand bu gal adib Xayriddin Sulton ham ana shu voqealarni soʻzlab bergan kishilarning toʻliq ism-familiyalari va martabalarini ochiq koʻrsatgan holda qogʻozga tushirib, ular tilidan mahorat ila badiiy qiyomiga yetkazgan. Demak, hikoyalarda tasvirlangan voqealar hayotda aniq yuz bergan. Biroq, ular badiiy publitsistikadan yuksakroq oʻrinda turuvchi adabiy janr – hikoya tarzida yozilgan. Soʻzlab bergan insonning kimligi, martabasi hikoya mazmundorligini yanada oshirishga xizmat qilgan.

Bizni kuzating