Axborot Resurs Markazi💡 | Информационно ресурсный центр

Axborot-resurs markaziga Fransiyaning Lion universitetidan taniqli professor Mareshal Jan Kristof tashrif buyurdi. U kutubxona fondi bilan yaqindan tanishib, ayniqsa, fransuz tilidagi kitoblarga katta qiziqish bildirdi. Professor fransuz tilidagi adabiyotlarni xilma-xilligini yuqori baholab, ularning ilmiy ahamiyati haqida fikr bildirdi. U fransuz adabiyoti va ilm-fani rivojiga oid qimmatli tavsiyalar berib, hamkorlikda shu erda ishlamoqchiligini aytdi. Bu uchrashuv kutubxona jamoasi uchun juda foydali bo‘ldi.

28-yanvar kuni Axborot-resurs markazida ingliz filologiyasi fakulteti tyutori Z. Nazarova, ARM bo‘lim mudiri M. Muxamedjonova va 21-28-guruh talabalari ishtirokida mashhur amerikalik yozuvchi Mark Tven tavalludining 190-yilligi munosabati bilan davra suhbati o‘tkazildi.

Shundan so‘ng talabalar yozuvchining "Tom Soyerning sarguzashtlari" va "Yanki va qirol Artur" nomli asarlarining mazmun-mohiyati haqida o‘z fikrlarini bildirdilar. Mark Tvenning asarlari butun dunyo bo‘ylab o‘qilib, turli tillarga tarjima qilingan. Uning kitoblari bugungi kunda ham o‘quvchilarga chuqur mazmuni va ijtimoiy ahamiyati bilan katta ta’sir ko‘rsatmoqda.

Tven asarlarining tarbiyaviy ahamiyati, ayniqsa yoshlar va kitobxonlar uchun katta ahamiyatga ega. Ular o‘zgaruvchan dunyoda to‘g‘ri axloqiy yo‘lni tanlashga yordam beradi. Yozuvchining asarlari kitobxonlarni haqiqatni izlashga, nohaqlikka qarshi turishga va adolatni tiklashga undaydi.

"Kitobxon qiz tanlovi"

Joriy yilning 26-fevral kuni OʻzDJTU roman german filologiyasi fakulteti xotin-qizlar bo'yicha dekan maslahatchisi Z.P.Achilova tashabbusi bilan fakultet Axborot resurs markazida "Kitobxon qiz ko'rik tanlovi" bo'lib o'tdi.

Koʻrik tanlov ishtirokchilariga Axborot resurs markazi xodimi M.Irnazarova savollar bilan murojaat qilib, ishtirokchilarning topqirligini sinab koʻrdilar.

Tanlovda Roman german filologiyasi fakulteti 4- bosqich FISP guruh talabasi Abdumalikova Muslimaxon gʼolib bo'ldi, hamda universitet bosqichiga yo'llanmani qoʼlga kiritdi.

G'olib ishtirokchini fakultet xotin qizlar masalalari boyicha dekan maslaxatchisi Z..P.Achilova tabriklab, yanada katta muvaffaqiyatlarni qoʻlga kiritishlarini tilab qoldilar.
Gʻolibimizga sertifikat hamda esdalik uchun kitob sovg'a qilindi.

@uzswlu

22-yanvar kuni ingliz filologiyasi tyutori S. Nurillayeva, Axborot-resurs markazi bo'lim mudiri M. Muxamedjonova va talabalar ishtirokida mashhur o'zbek yozuvchilari A. Qodiriyning "O'tgan kunlar", Cho'lponning "Kecha va kunduz", O.Yoqubovning "Ulug'bek xazinasi", P. Qodirovning "Bobur" asarlarining ingliz tilidagi tarjimasi bo'yicha davra suhbati o'tkazildi. Suhbatda tyutor S. Nurillayeva asarlarning mazmuni, uning tarixiy va badiiy ahamiyati, shuningdek, ingliz tiliga tarjima qilinishi haqida so'zlab o'tdi.

Suhbatning maqsadi talabalarni o'zbek adabiyotining global miqyosdagi ahamiyatini anglashga undash va madaniyatlararo tushunishni rivojlantirishdan iborat edi.

Davra suhbati davomida talabalar faollik ko'rsatib, shu asarlar yuzasidan bir-birlariga savollar berib va A. Qodiriy, Cho'lpon, O. Yoqubov, P. Qodirov asarlarini yanada chuqurroq o'rganishga bo'lgan qiziqishlarini bildirdilar. Tadbir so'ngida ishtirokchilar badiiy tarjima va uning adabiyotshunoslikdagi roli haqida fikr almashdilar.

2025 yil 21-22 yanvar kunlari Sharq, Ingliz, Roman-rerman filologiyasi fakultetlarida "Yangi asr avlodi" nashriyoti bilan hamkorlikda bugungi kunning asosiy vazifalaridan biri bo'lgan "Yoshlarni ma'naviyatini yuksaltirish va ularning bo'sh vaqtini mazmunli tashkil etish bo'yicha 5- muhim tashabbusning 4-tashabbusi Yoshlar ma'naviyatini yuksaltirish ular o'rtasida kitobxonlikni keng targ'ib qilish maqsadida kitob savdosi yarmarkasi tashkil etildi.Yarmarkada har xil janrdagi o'quv va badiiy adabiyotlar kitobxonlarga taqdim etilmoqda.