🌱🌱🌱🌱🌱

Bug‘doyning zang kasalliklarga chidamli yangi navi yaratildi

✅O‘simliklar genetik resurslari ilmiy-tadqiqot institutida bug‘doyning yangi navi yaratildi. Ushbu institutda dunyoning 95 mamlakatidan yig‘ilgan bug‘doyning 8826 ta nav-namunalari saqlanadi.

🔗Mazkur navlar abiotik va biotik stress omillariga chidamliligi, shuningdek, qimmatli xo‘jalik belgilari bo‘yicha o‘zaro farqlanadi. Shu genofonddan samarali foydalanib, institut olimlari global iqlim o‘zgarishlari sharoitida qurg‘oqchilik, issiqlik va zang hamda un-shudring kasalliklariga chidamli yangi serhosil navni yaratishga muvaffaq bo‘lishdi.

🆕 Yangi nav “O‘ITI-1” deb nomlanib, u joriy yilda Intellektual mulk agentligi tomonidan (NAP 503) patentlandi. Nav Respublikaning zang kasalliklari keng tarqalgan hududlarida yetishtirish uchun tavsiya etilmoqda.

🫥 Mazkur nav (KAMB1*2/KIRITATI//BIGDAWG/AP01T2319/3/-BILLINGS) gibrid kombinatsiyasidan individual yakka tanlash usuli orqali yaratilgan.

Biologik va xo‘jalik xususiyatlari:
🟠Sariq va qo'ng'ir zang hamda, un-shudring kasalliklariga chidamli.
🟠Yotib qolishga o'rtacha chidamli 7 ball.
🟠1000 dona don vazni - 43,1-44,5 gr.
🟠1 boshoqdagi don soni 65-70 dona;
🟠1 ta boshoqdagi don vazni 2,8-2,9 gr.
🟠O'simlik bo'yi 86,8-89,1 sm.
🟠Yuqori hosildorlik 105,4 s/ga.
🟠O‘suv davri 224-229 kun.
🟠Oqsil miqdori 14,4 %;
🟠Kleykovina miqdori - 31,8%.
🟠Don shishasimonligi 82,6 %.

❗️Aytish kerak, ushbu yangi nav nafaqat yuqori hosildorligi, balki iqlim o‘zgarishlari sharoitida barqaror o‘sishi bilan ham ajralib turadi.

🌐Website 💬Telegram 💬Facebook 📺YouTube 📷Instagram