Дарахт ҳайрон эди бир ҳолга хаста
Уни турфа йўлда ишлатди уста.
Бир учи бешикка аталган бўлса,
Бир учи тобутга бўлганди даста.

Туғилган кун – қувончли эмас
Қалбингдаги энг кучли оғриқ.
Умринг ўлчовлидир азалдан,
Ҳар куни бир кунга камаяр, ахир,
Яқинлашиб келар азалий тақдир.

Кўкларда кўк кабтар қушдаймиз жоним,
Қайғурма кел кўнгил ҳушлаймиз жоним,
Менинг танишим йўк нариги дунёда,
Барибир "жаннатга тушмаймиз" жоним...

Биз келиб кетгувчи тўгарак жаҳон
На боши маълум на сўнги аён.
Ҳеч кимса ростини айтиб беролмас
Биз қайдан келдигу, кетармиз қаён.

кўчада юрганда йўқдир рўмоллар,
тириклар шаҳватин қўзғар ҳаёллар,
фақат қабристонда ўралар рўмол,
ўликдан уялар бизнинг аёллар...!

Сиз онасиз сиз ёрсиз гулгуняноқсиз
Чиройингиз чандор ой бисотидан
Эҳтимол подшолар чиққан саноқсиз
Лек Пайғамбар чиқмаган аёл зотидан.

Йўлларинг тўқнаша нодонлар билан,
Номи-ю нишони инсонлар билан,
Яхшироқ англайсан Нуҳнинг кемаси,
Не учун тўлганин ҳайвонлар билан.

Мунча ширин бу куз оқшоми,
Лабингдаги чарчоқ каломлар,
Мен дўзахдан қўрқмайман жоним,
Дўзахдаман аллақачонлар.

Энагаси алла айтар Машрабга боз-боз,
- Катта бўлсанг Хон бўласан, аллаё алла.
Ўша заҳот эшитилар бешикдан овоз:
- Алдаё алда!