Ulug‘bek Po‘latov

Nihoyat, biz yana qaytdik

“Tanaffus” podkasti qisqa muddatli tanaffusga chiqib ketgandi. Yaqinda yangi baholash tizimi mavzusini muhokama qilish uchun vazirlik, ta’lim bo’yicha ekspert va o’qituvchini “Tanaffus” podkastida bir nuqtaga jamlagandik.

Bugun nima qilib bo’lsa ham ko’rsatuvni e’lon qilishimiz kerak. Montaj ishlari ham tugay deb qoldi, 2 soatlik ko’rsatuvning. Nasib qilsa, bugun kech bo’lsa ham efirga chiqadi.

O’ziyam, juda uzooooq yondi-da… Judayam bahs bo’lib ketti bu safargi soni.

@u_pulatoff

Kecha Oliy Majlisi Qonunchilik palatasining navbatdagi majlisi yozib olingan videoni ko'rishni cheklab qo'yishibdi.

Saytga ham havola qo'ygandim, video yo'q bo'lib qolibdi.

Bu holat ko'plab OAVda yoritilgan ayrim masalalardan keyin amalga oshirildi, menimcha.

Majlisda ilgari surilgan juda ko'p fikrlar Oliy Majlis videosidan iqtibos qilib olingandi, chunki.

Shungayam chidasholmabdi. Yana ochiqlik deyishadi.

Shunda Oliy Majlis Qonunchilik palatasi senzuraga uchragan bo'ladimi?

@u_pulatoff

Qishlog’im (Qo’shtepa)ga keldim, hozirgina

“Olovga sig’inish” boshlandi :)) Ko’chadagi tuman deb o’ylaganim, o’tin va ko’mirning tutuni ekanligidan o’zimizdan ko’ra, ekologiyaga rahmim kelib ketadi, ba’zan.

Konditsionerli, komfort xonasidan chiqmay, yupun kiyimda o’tiradigan “yashillar”ning undoq qilamiz, bundoq qilamiz deb bong urishlari poytaxtdan nariga o’tmaydi.

Elektr o’chgan, internet deyarli ishlamaydi. (Shu postni e’lon qilish uchun ham tashqariga chiqdim hatto).

Endi dushanbagacha ishlar biroz orqaga ketadi. Har qanday rejalar ikki kun kutib turadi, shunga majbur.

Ha aytgancha, pechkaga qarab qo’yay, o’tin o’chib qolmasin.

@u_pulatoff

Senga shu kerakmi, Ulug'bek?

"O'zingcha takliflar berasan, "Ta'lim kodeksi" deysan, shuncha maqola yozibsan, nimalarnidir qiynalib tahlil qilasan... Senga zarurmi shu?", - deydi ichki ovoz.

Lekin nima qilay, yozmasam, ta'limda ishlamasam, g'oyalar, takliflar berib turmasam, kasal bo'lib qolaman.

Bizga "Ta'lim kodeksi" kerak...mi?

Bu taklifni inobatga olishadimi yoki yo'q, bilmadim. Lekin taklif berishdan charchamayman. Maqolani o'qing, tarqating hech bo'lmasa ko'rishlar soni meni xursand qilsin.

Batafsil — https://xalqtaliminfo.uz/post/960

Andijondagi Bobur haykalini uchinchi marta ko‘chirishmoqchi

Viloyat hokimligining bildirishicha, Bobur xotirasiga atab barpo etilgan maydon yangi qurilayotgan ko‘prik yaqinida joylashgani sababli ko‘chiriladi. O‘rnida savdo majmuasi, ko‘ngilochar markazlar, ofislar va boshqa turdagi binolar qurish loyihasi taklif etilgan.

Hokimlikning aytishicha, haykalni ko‘chirish uchun ilmiy kengash vakillari, boburshunoslar va oqsoqollar ruxsat berganmish.

***

Biznikilar buzishga juda ustada, "soqqa" qilib olsa bo'ldi, tarix, madaniyat bir chetda damini oladi. Rivojlangan mamlakatlarni ko'ring, hammasi tarixiy joylarni saqlab qolgan. Biznikilar esa "city"larga chalishgan.

@u_pulatoff

“MY5” telekanalining “Gapiring” tok-shousida qishloq va shahar maktablari o’rtasidagi tafovutlar haqida gaplashdik.

Yaxshi suhbat bo’ldi. Ko’rsatuv boshida studiya issiq bo’lishiga qaramay, bir muddat ustimdagi kurtkani yechmay o’tirdim.

Buni ham o’ziga yarasha ramziy ma’nosi bor edi. Ko’rsatuv chiqsa, nega unday qilganimni aytib beraman.

@u_pulatoff

Olifta jurnalist

Cho’ntakdan qo’lni chiqar, har qalay ta’lim otasidan intervyu olyapsan, demabdi birov :))

@u_pulatoff

Bu inson kimligini bilasizlarmi?

Qani, izohlarda yozib qoldiringlarchi…

@u_pulatoff

O'z ishining "Profi"si

Siz rasmda ko'rib turgan yigit, Kamronmirzo Bunyodov — oshpaz. Aniqrog'i, Profi University oshxonasining (Profi Creating Restaurant) asosiy oshpazlardan biri.

10 yillik tajribasi bor, 2015-yilda Parkent tumanidagi oshxonalardan birida oddiy oshpaz yordamchisi sifatida ish boshlagan ekan.

U ham o'z kasbini sevadigan va bundan zavq olib yashaydigan insonlardan biri. Ochig'i, shunaqa, o'z kasbining professionallarini ko'rsam, ular haqida yozgim kelaveradi.

Chunki, bunday toifadagi odamlar har narsani san'at darajasiga olib chiqishga harakat qiladi, rivojlanish uchun o'z ustida tinmay ishlaydi, har narsadan kreativlik qidiradi.

Hozir u qisqa muddatga malakasini oshirish uchun Fransiyaga ketmoqchi. Yonida ortiqcha puli yo'q, aslida. Lekin o'zining sohasini yaxshi ko'rgani uchun nima qilib bo'lsa ham Fransiyaga borib, malakasini oshirib kelmoqchi.

Uning faoliyati qiziqsangiz, rezyumesini qoldirdim, tanishib chiqsangiz bo'ladi.

Men nima demoqchiman?

Xullas, o'z ishingizni yaxshi ko'ring. Qaysi sohada ishlashingizdan qatʼi nazar sizga topshirilgan vazifani mukammal darajada bajarishga harakat qiling. Hech qachon qoʻl uchida ish qilishga odatlanmang.

Agar kasbingiz farroshlik boʻlsa ham ishingizga sanʼat darajasida qarashingiz kerak. Shundagina siz oldinga qadam tashlay olasiz, shunda sizni qadrlay boshlashadi, shunda jamoada oʻrningiz boʻladi.

Noprofessionallarcha yondashilgan ish ham, uning egasi ham hech qachon qadr topmaydi. Ming afsuslar boʻlsinki, bizning jamiyatda oʻz ishini sidqidildan qilmaydiganlar juda koʻp topiladi.

Bizning jamiyatga ko'proq Kamronmirzolar kerak!

@u_pulatoff