Rasul Kusherbayev

"Мурувват уйига борганимда болалар батареяларга қимирлай олмайдиган даражада қаттиқ боғлаб қўйилганлиги ва бундай вахшийликка чидай олмасдан бақириб йиғлаётганлигини кўриб "шок"ка тушиб қолдим.

Набирамни уйга олиб келганимизда, танасининг бўйин қисмидан қўлларнинг қўлтиқ қисмига йўналиш бўйлаб бўғиб боғланган ип (арқон)нинг шилинган излари мавжудлиги, белнинг пастки қисми ва думба қисмлари шилинган ва жуда қизарганлиги аниқланди. Бундан ташқари, у фақатгина "опа", "овқат" ва "ебан" сўзларини такрорларди".

Батафсил

❗️Президент таклифи билан Ўзбекистонда 2025 йил “Атроф-муҳитни асраш ва “яшил” иқтисодиёт йили” деб эълон қилинди.

👉 @r_kusherbayev

❗️Тадбиркорларга мактаб қуриш учун 20 миллиард сўмгача имтиёзли кредит берилади- Президент

Ўтган ҳафтада 3 нафар вояга етмаган бола ЙТҲ қурбони бўлди. Бу жуда ачинарли ҳолат

Uz24’нинг ёзишича, ЙТҲлар натижасида вояга етмаганларнинг ўлими кўпроқ паст ва ўрта даромадли мамлакатларда кузатилади. Бу ҳудудларда йўл инфратузилмасининг етарли эмаслиги, транспорт воситаларининг техник ҳолати ва йўл ҳаракати қоидаларига риоя қилмаслик каби омиллар муҳим роль ўйнайди.

Қизиғи, мақолада таъкидланишича, ЙТҲ учун ҳар доим ҳайдовчини айбдор қилиш нотўғри бўлиши мумкин. Бу масалани тўлиқ тушуниш учун мақолани ўқиб чиқишингизни тавсия қиламан.

Uz24’да сифатли ва долзарб контент доимий равишда чиқиб туради. Фақат ЙТҲ эмас, бошқа муҳим мавзуларда ҳам кўплаб қизиқарли материалларни топишингиз мумкин. Маслаҳатим сайтни кузатиб боринг, кетказган вақтингизга ачинмайсиз.

👉 @r_kusherbayev

Ўзбекистон Президентининг тақдимномасига биноан Танзила Нарбаева Олий Мажлис Сенати раиси сифатида қайта сайланди.

Танзила Нарбаеванинг сайланиши мамлакатимизда парламентнинг очиқ ва шаффофлиги учун муҳим.

Чунки унинг ўзи ҳам бошқа амалдорларга қараганда халқ, оммавий ахборот воситалари вакиллари учун очиқ эканини кўп кўрганмиз.

Қайсидир фикрлари нотўғри талқинлар сабаб қаттиқ танқидларга учраган бўлса ҳам ижтимоий тармоқларда фаоллигини йўқотмаган. Давлат ва халқимиз учун аҳамиятли мавзуларда очиқ муносабатларини билдира олади. Агар қуйи палата етакчилари билан таққосласак Сенат раисининг очиқлик сиёсатидаги фаолиятини ижобий баҳолаш мумкин.

Умид қиламанки, бундан кейин ҳам Сенат раиси ва Сенаторлар журналистлар билан алоқалар бўйича позицияларини янада яхшилайдилар.

👉 @r_kusherbayev

Талон-тарожчи ҳоким ёрдамчилари...

Қорақалпоғистон Республикаси Элликқалъа туманидаги маҳаллалардан биридаги ҳоким ёрдамчиси 33 нафар фуқарога имтиёзли кредит маблағлари ажратиш мақсадга мувофиқлиги тўғрисида тавсияномалар расмийлаштириб, улар номига банкдан жами 1 млрд. 88 млн. сўм миқдорида кредит маблағлари ажратилишига муваффақ бўлган.

Сўнгра ўз таниши бўлган фуқаро номига МЧЖ ташкил қилиб, амалда уни норасмий тарзда бошқариб, 1 млрд. 88 млн. сўмни гўёки турли хил маҳсулотлар харид қилиш учун мазкур МЧЖ ҳисоб рақамига ўтказган ва нақдлаштириш орқали талон-торож қилган.

Бундан ташқари, ҳоким ёрдамчиси ўзининг турмуш ўртоғи ва синглиси номига олинган жами 65,9 млн. сўм кредит маблағларини ҳам мақсадсиз сарфлаб юборган.

Бухоро вилояти Ғиждувон туманидаги маҳаллалардан биридаги ҳоким ёрдамчиси 26 нафар фуқарога йирик ва майда шохли чорва моллари сотиб олишлари учун имтиёзли кредит ажратиш мақсадга мувофиқлиги тўғрисида тавсияномлар расмийлаштириб, улар номига банкдан жами 821 млн. 858 минг сўм миқдорида кредит маблағлари ажратилишига эришган.

Сўнгра мазкур фуқароларни алдаб, кредит маблағлари эвазига таъминотчи корхонлардан 26 киши учун ажратилган чорва молларини сохта ҳужжатлар асосида қабул қилиб, уларни бошқа шахсларга сотиб юбориш орқали 821 млн. 858 минг сўм миқдоридаги маблағни талон-торож қилган.

Ҳозирда уларга нисбатан жиноят ишлари қўзғатилиб, тергов ҳаракатлари олиб борилмоқда.

👉 @r_kusherbayev

Сайлов ва тайинлов бошқа-бошқа нарсалар

Халқ депутатлари Янгийўл шаҳар кенгашига 1-Нов сайлов округидан яқинда сайланган Султанов Дилшод Шухратовичнинг депутатлик ваколати муддатидан илгари тугатилди.

Д.Султонов яқинда Янгийўл шаҳар ҳокими лавозимидан ишдан кетган эди. Ва катта эҳтимол билан энди бўшаган ўриндан янги келган ҳоким автоматик сайланади.

Амалда шундоқ ҳам сайлов қийматига эга бўлмаган ҳокимларнинг депутатликка сайланиши(тайинланиши) амалиётидан воз кечган маъқул. Бу ҳеч бўлмаса тизимнинг сайловга нисбатан озгина ҳурматини англатган бўларди.

Аҳир сайлов ва тайинлов бошқа-бошқа нарсалар.

👉 @r_kusherbayev

Қонунчилик палатасида овоз бериш йўли билан қуйидагилар лавозимларга сайланди:

▪️ Исмоилов Нуриддинжон Мўйдинхонович — Қонунчилик палатаси Спикери;

▪️Ходжаева Мавлуда Исламовна — Қонунчилик палатаси Спикерининг ўринбосари;

▪️Ҳакимов Раҳимжон Расулжонович — Қонунчилик палатаси Спикерининг ўринбосари.

✅ Қўмита раислари:

▪️ Мамутов Равшан Аминаддинович — Аграр ва сув хўжалиги масалалари қўмитаси раиси;

▪️ Назаров Шарофиддин Ҳакимович — Бюджет ва иқтисодий масалалар қўмитаси раиси;

▪️ Агзамова Гулрух Анваровна— Демократик институтлар ва фуқаролик жамиятини ривожлантириш масалалари қўмитаси раиси;

▪️ Абдуллаев Илҳом Зоирович— Инновацион ривожланиш ва ахборот технологиялари масалалари қўмитаси раиси;

▪️ Ширинов Жаҳонгир Жабборович — Коррупцияга қарши курашиш ва суд-ҳуқуқ масалалари қўмитаси раиси;

▪️Бекмуродов Бобур Мансурович — Тадбиркорлик, рақобатни ривожлантириш ва саноат масалалари қўмитаси раиси;

▪️ Жумаев Нодир Хосиятович — Фан, таълим, маданият, спорт ва ёшлар масалалари қўмитаси раиси;

▪️Шерматов Улугбек Убайдуллаевич — Халқаро ишлар, мудофаа ва хавфсизлик масалалари қўмитаси раиси;

▪️Ғаффоров Хайрулло Лутфуллаевич — Экология ва атроф-муҳитни муҳофаза қилиш масалалари қўмитаси раиси;

▪️Меҳнат, соғлиқни сақлаш ва ижтимоий масалалар қўмитаси раиси (вакант).

Қуйи палатадаги 12 та қўмита ўрнида 10 та янгиланган қўмита ташкил қилинди.

Маълумот учун: Қонунчилик палатасининг янги таркибдаги биринчи мажлисида Президент Шавкат Мирзиёев иштирок этди ва нутқ сўзлади.

👉 @r_kusherbayev

❗️Украинага Россия ичкарисига узоқ масофага учувчи ракеталарни отишга рухсат берилмоқда

➖ Байден Россия ҳудудига ATACMS ракеталари билан зарбалар беришга рухсат берди.

Ракеталар Курск вилоятида Украина армиясини ҳимоя қилиш учун Россия ва КХДР ҳарбийларига қарши қўлланилиши мумкин. (NYT)

➖ Франция ва Буюк Британия Украинага SCALP/Storm Shadow ракеталари билан Россия ҳудудига зарба беришга рухсат берди. (Le Figaro)

Манба: @daryo_live

👉 @r_kusherbayev