КўзбўямачиликКоррупцияга қарши курашиш агентлиги Сурхондарёнинг Ангор тумани ҳокими
349 миллион 900 минг сўмга Captiva-5 автомашинаси
харид қилгани ҳолатини ўрганиш натижаларини эълон
қилибди.
Аниқланишича, бу харид Вазирлар Маҳкамасининг 2021 йил 29 апрелдаги 258-сон қарори билан тасдиқланган давлат бошқаруви ва маҳаллий давлат ҳокимияти органларида хизмат автотранспорт воситаларини бириктириш талабларига зид равишда ҳокимликнинг захира жамғармаси ҳисобидан амалга оширилган.
Талабга кўра, туман ва шаҳар ҳокимлари учун фақат битта дона, қиймати минг БҲМгача (ёки
340 миллион сўмгача) бўлган хизмат автотранспорт воситаси
харид қилиниши мумкин.
Шу боис, агентлик тақдимномасига асосан ушбу автотранспорт воситаси туман балансидан чиқарилиб, вилоят ҳокимлиги тасарруфига ўтказилибди.
☝️ Қойил, энди "точно" ривожланиб кетамиз. Шарманда...
Аслида халқ шу кўзбўямачиликни кутганмиди? Анитикоррупция агентлигининг қўл оёғи боғлаб қўйилгани аниқ, бироқ ваколатли бошқа идоралар бунга кўз юмишаётгани ғалати.
Айни вазиятда вилоят ҳокимлиги ўз балансидаги бу автомобилни Ангор тумани ҳокимига фойдаланишга беради, вассалом. Шу билан ўрганишга ҳам, халқ фикри ва муҳокамаларга ҳам тупурилади.
Аслида гап автомобил кимнинг балансида сақланишида эмас, балки жойларда кўплаб муаммоларни ҳал этишга пул етмай турган бир вақтда айрим ҳокимларнинг шинамлик учун халқ ҳисобидан ўзларига қимматбаҳо автомобиллар сотиб олишаётганида.
Фақат ўз ҳаловати учунгина яшайдиган одамлар қандай қилиб раҳбарликка келишмоқда ўзи? Бунда асосий талаб ким қандай қилиб халқ пулини кўкка совура олишга қодирлигидами шунда?👉
@r_kusherbayev