Халифанинг карвони етиб келганида, халифа дастурхонларни тайёрлаб, меҳмонларни қабул қила бошлади. Аммо у зиёфат дастурхони атрофида Ҳажжожни кўрмади. Халифа Ҳажжожни чақиртириб келди ва у ҳам зиёфатда меҳмон бўлишини айтди. Шунда Ҳажжож халифага:
"Онам менга одамлардан қолган таомларни емасликка ўргатган", деди. Бу орқали у халифа Абдулмалик ибн Марвонга ундан қолган аёлга уйланганига ишора қилди.
Халифа Ҳажжожнинг нима демоқчи бўлганини тушунди ва ўзини ўзи маломат қилди. Чунки у қандай қилиб ўз қўмондонларидан бирининг аёлини (ажрашган бўлса ҳам) ўзиники қилиши мумкин? У аёлга никоҳланган, аммо унинг ҳузурига деярли кирмаган, фақат вақти-вақти билан кўришган, холос.
Ҳинд эса Ҳажжожнинг бу муваффақиятидан хавотирга тушди. У халифани ўзига яқинлаштириш учун яна бир маккорлик билан ҳаракат қилмоқчи бўлди. У халифа Абдулмалик ибн Марвонни кўриш учун ҳузурига чақирди. Ҳинд бир хизматкорини эшик олдига қўйиб, унга халифа яқинлашганида хабар беришни буюрди.
Халифа ҳужрага яқинлашганида, Ҳинд аллақачон ўзини зийнатлаб, халифани мафтун этиш учун тайёрланган эди. У бўйнидаги қимматбаҳо марварид дурлар билан безатилган тақимни кесиб юборди, натижада дурлар ерга сочилиб кетди.
Шунда у либосини кўтариб, танасининг мафтункор қисмларини кўрсатди ва ердаги марварид дурларни териш учун чўкди. Ҳинд ҳар бир дурни олганда: "Субҳаналлоҳ", деди.
Халифа ундан: "Нима учун Субҳаналлоҳ демоқдасан?" деб сўради.
Ҳинд жавоб берди:
"Бу марваридлар Аллоҳ томонидан подшоҳларнинг зийнати учун яратилган".
Халифа буни тасдиқлаб:
"Ҳа, бу рост", деди.
Шунда Ҳинд:
"Аммо Аллоҳнинг ҳикматини қарангки, уларни туморга териш учун тешиш ишларини ғарчалар амалга оширади", деди. Яъни, бу гапи билан у Ҳажжожга ишора қилди.
Халифа бу ишорани тушунди ва:
"Рост айтдинг, Аллоҳ мени сен ҳақингда маломат қилганларни хор қилсин", деди ва Ҳинд билан яшай бошлади.

https://t.me/tuhur