Суқротнинг ҳузурига бир одам жуда катта ҳаяжон билан келиб:
— Талабаларингиздан бири нима деганини биласизми? — деб сўради.
Суқрот унга жавобан:
— Гапиришдан олдин сенда кичик бир синов ўтказмоқчиман, буни "Учбурчак фильтр" деб аталади.
Киши ҳайрон бўлиб:
— Бу қандай синов? — деб сўради.
Суқрот тушунтирди:
— Бу синовни ҳар сафар гапиришдан олдин ўтказиш керак. Сен айтадиган нарсани фильтрлардан ўтказамиз. Биринчи фильтр "ҳақиқат фильтри" деб аталади. Сен айтадиган нарса ҳақиқатми?
Киши жавоб берди:
— Йўқ, мен буни аниқ билмайман, чунки буни менга бошқа биров айтди...
Суқрот:
— Яхши, демак, сен бу гапнинг рост ёки ёлғонлигини билмайсан. У ҳолда иккинчи фильтрга ўтамиз, бу "яхшилик фильтри"дир. Сенинг айтаётганинг яхшиликка олиб келадими?-деди.
Киши:
— Йўқ, аксинча, бу ёмон гап, деди.
Суқрот давом этди:
— Демак сен ёмон бир гапни айтмоқчисан, ҳолбуки унинг ростлигини ўзинг ҳам билмайсан. Энди охирги фильтрни ҳам кўриб чиқайлик, бу "фойда фильтри"дир. Сенинг айтадиган гапинг менга қандайдир фойда келтирадими?
Киши уялган ҳолда жавоб берди:
— Йўқ, бунинг ҳеч қандай фойдаси йўқ.
Шунда Суқрот гапни якунлади:
— У ҳолда, сенинг айтаётган гапинг ҳақиқат эмас, яхшиликка олиб келмайди ва менга фойдаси ҳам йўқ экан, нима учун бу гапни эшитишим керак?

https://t.me/tuhur