Hissiyotlar va ularning ta’limdagi o‘rni

Motivatsiyaga ta’sir qiluvchi hissiyotlar

Hissiyotlar ta’lim jarayonida muhim rol o‘ynaydi. Ular ijobiy (“quvonch”, “qiziqish”) yoki salbiy (“qo‘rquv”, “jirkanish”) bo‘lishi mumkin.

Har bir hissiyotning o‘ziga xos ta’siri bor, va ularning ta’sirini to‘g‘ri tushunish ta’limni yanada samarali qilishga yordam beradi.

Asosiy hissiyotlar va ularning ta’siri

1. Quvonch

➖ Quvonch o‘quvchilarning salohiyatini to‘liq ochib beradi.
➖ O‘quv jarayoni quvonchli bo‘lganda, o‘quvchi jarayondan zavqlanadi va bilimlarni samarali o‘zlashtiradi.

2. Zerikish

➖ Zerikish oson yoki juda qiyin topshiriqlar natijasida paydo bo‘ladi.
➖ Agar zerikish vaqtida aniqlanmasa, u asta-sekin jirkanishga aylanib, ta’limdan butkul voz kechishga olib kelishi mumkin.

3. Qo‘rquv va g‘amginlik

➖ Qo‘rquv tanqid yoki jazodan kelib chiqadi, bu esa o‘quvchining o‘ziga bo‘lgan ishonchini yo‘qotadi.
➖ G‘amginlik muvaffaqiyatsizliklardan kelib chiqib, motivatsiyani pasaytiradi va bilim olishga bo‘lgan qiziqishni so‘ndiradi.

Ijobiy hissiy muhitni qanday yaratish mumkin?

➖ Ishonchni mustahkamlang. O‘quvchini o‘z kuchiga ishonishga undang. Uning kichik yutuqlarini ham e’tibordan chetda qoldirmang.

➖ Qiziqishni rivojlantiring. Dars jarayoniga o‘yin elementlari va ijodkorlikni qo‘shing.

➖ “Hissiyotlar kundaligi”ni joriy qiling. Kun davomida o‘quvchining his-tuyg‘ularini yozib borib, ular bilan birgalikda tahlil qiling. Bu bolaga o‘z his-tuyg‘ularini tushunishda yordam beradi.

Batafsil: https://telegra.ph/Hissiyotlar-va-ularning-talimdagi-orni-01-14

✍️ Muallif: Mohinabonu Agzamova

Kanalga ulanish:👇
https://t.me/trm_metodika