Қ О Р А К Ў Л И М

Қасида
Қутайбага бош эгмаган Патикант*,
Хукумдорлар шахри эдинг сен Бойкант.
Замонбобо, Дарвозақир, Шибирдон,
Ахли иноқ, ширин сухан, шакар-қанд.
Қоракўлим, қоракўзим, мадорим!

Бухорийнинг киндик қони томган юрт,
Ёлғон бўлса, юрагимни ол-да, йирт!
Қобил Ота шаҳид бўлган адирда,
Бундай зотлар бир келаркан минг йилда.
Қоракўлим , қоракўзим, сен борим!

Чингиз билан чақмоқ янглиғ тўқушган,
Кўҳак* сувда қон аралаш оқишган.
Бир думалаб етти пирга туташган,
Озор топиб кўзида ёш фариштам.
Қоракўлим, қоракўзим, сен зорим!

Шайбонийнинг қиличидан оҳ чеккан,
Валийлари надоматдан ичиккан.
Ўч олишга Широқлари кечиккан,
Азал дунё, бири тўлса, бири кам.
Қоракўлим, қоракўзим, армоним!

Зарафшоннинг зар қайнаган булоғи,
Гоҳи чучук, гоҳи шўрдир ирмоғи.
Ўзидан ҳам шўрни кўпроқ ювгунча,
Кемтик бўлди Бободехқон тирноғи.
Қоракўлим, қоракўзим, озорим!

Оқар дарё, оқаверар экан-да,
Жўшдинг яна дарё каби жахонда.
Қувончимнинг чўғи ўчди дегунча,
Хушхабарлар эниб келар хар онда.
Қоракўлим, қоракўзим, охорим!

Нурмухаммад, Тўра,Ғаффор, Музаффар,
Ер титратди алп келбатли полвонлар.
Яна қанча зўрдан зўри келдилар,
Барчасига лолу-хайрондир Башар.
Қоракўлим, қоракўзим, сен орим!

Мактаб очди Тўхтамурод муаллим,
Таърифига ожиз менинг қаламим.
Ортда қолди Колумбидан аламим,
Енгил тортиб, халос бўлган бу таним,
Қоракўлим, қоракўзим, дил торим!

Ох,бағрингда ота-онам хоки бор!
Сендан менга азал мерос бу мозор.
Оёқ ости ётса хамки беозор,
Борар жойим қилмам зинхор хор-абгор.
Қоракўлим, қоракўзим, маконим!

Ахил бўлган ўз уйини бут қилар.
Йўқса, бир кун қуриб, тутдай тўкилар.
Йўқса, қисмат азобига йўлиқар.
Сенга зорим,ё Худойим! Омон бўл!
Қоракўлим, қоракўзим, Қоракўл!

Патикант - Пойкентнинг,
, Кўхак -За-
рафшоннинг антик номлари.

Ориф Хамроев