Вадьяевлар жамияти пахтага бўлган эҳтиёжини ўз ҳисобидан қисман қондириш мақсадида 1914-йилда Россия Савдо ва саноат вазирлигига Фарғона вилояти ҳудудидан 10 минг десятина ер сотиб олишига рухсат беришини сўраб талабнома юборади. Туркистон генерал губернатори Самсонов ва дастлаб Ҳарбий вазирлик ҳам, унга ер майдонинг берилишига қарши чиқишди(Рус қонунчилигида яҳудийларнинг Туркистонда ер ва кўчмас мулк олиши тақиқланган эди). Аммо ер тузилиши ва қишлоқ хўжалиги бош бошқармаси, шунингдек Савдо ва Саноъат вазирлиги талабномани ижобий қаноатлантиришга қарор беришди. Бундан ташқари 1916 – йилнинг декабиридан бошлаб Ҳарбий вазирлик ҳам Куропаткин бошчилигидаги Туркистон маъмуриятини ушбу талабномани қаноатлантиришга чақирди. Ҳарбий вазирлик ўз сиёсатидаги ўзгаришни уруш вақтида пахта хомашёсига бўлган талабнинг ортганлиги билан изоҳлади. Шу билан бирга вазирлик янги генерал губернатор Куропаткинга 1916-йилнинг мартида “Сирдарё” деҳқончилик ва савдо саноъат жамияти” низоми тастиқланганлиги ва ҳеч қандай шарт ва табларсиз ушбу жамиятга 15 минг десятина ер олиб, ишлов бериш ҳуқуқи берилганлигини билдирди...


Марказий Осиёдаги ХIХ аср охири ва XX бошларидаги сиёсий жараёнлар ҳақида гапирилганда Вадьяев, Потеляхов, Муллоқандов, Калонтаров, Фузайловлар каби миллионер яҳудий оилалари ҳақида ҳам гапириб ўтиш лозимки, ҳар бирининг йиллик савдо айланмалари 50 миллион рублга борадиган бу қудратли оилаларнинг ўлкадаги сиёсий вазиятга тасирини инкор этиш нодонликдан бошқа нарса эмас.

Биздан узоқлашманг @tanatoz1920