​​Агар биз кўпчилик томонлама қабул қилинган умумий сценарий бўйича яшамасак бошқаларнинг биздан норози бўлиши ва ёлғизликнинг ўсиб боришидан ташқари ўз моҳиятимизга бўлган ишончни йўқотамиз. Бу эса руҳий саломатликка путур етказади. Атрофдагиларнинг кутганига мослашиб, улардан ажралмасликка интилиб, инсон ўз моҳиятига доир шубҳаларни сўндириши ва қандайдир ишончга эга бўлиши мумкин. Бироқ бунинг жарима тўлови жуда катта: индивид ўз спонтанлиги, индивидуаллиги ва озодлигидан воз кечади. Психологик робот фақат биологик ҳаёт кечиради, у эмоционал мурдадир. У худди жонли мавжудод каби ҳаракатланади, бироқ унинг ҳаёти худди қум сингари бармоқлари орасидан ерга тушади.

Эрих Фромм «Озодликдан қочиш»

Ушбу келтирилган иқтибосда муаллиф ҳозирги яшаб турган одамларнинг жамоавий бирлигини жуда катта танқид остига олган. У хамма каби бўлиш, бу ҳаётнинг умумий сохта сценарийси бўйича яшаш бу инсонни бутунлай ОЗОД бўлишини чеклаб ўз индивидуаллиги ва инсонийлик моҳиятини бутунлай йўқ қилишга олиб келишини тушунтирмоқчи бўлади. Лекин шуни ҳам такидлаб ўтиш жоизки ҳамма каби бўлмаслик бу бир шахсни бошқа инсонлар томонидан нафратга учрашини ва бутунлай ёлғиз қолиб кетишини эслатиб озодликнинг бадали нақадар "Қиммат"га тушишини ҳам эслатиб кетади.

Ҳамма каби бўлиш жуда оғир, лекин озод бўлиш ҳам, қўлларингдаги кишанларни ечиб қуш каби самоларда "Парвоз" қилиш ҳам жуда қимматлик қилади. Бунинг тўлови оғир, лекин қандай яшаш ҳар кимнинг ўзига боғлиқ. Мен эслатдим холос!

ТАФАККУР ХУЛОСА расмий саҳифалари👇
Телеграм | Инстаграм | Твиттер | ТикТок