#koreya_kundaliklaridan
#28_son
“2024-yil bahorda “KDB bankshot” talab qilmaydigan universitetlaridan biri, Hanyang Universitetiga o'qish uchun keldim. O’qishga kelish uchun xolamning o’g’lidan qarz oldik, kontrakt to’ladik.
Birinchi semester, haqiqatdan Koreya boshqa dunyo, Seoulni esa ta'riflash ancha qiyin edi. Darsga borib kelar, kamdan kam ishlarga chiqardim. Chunki ishlar deyarli bo’lmas, bo’lgani ham uzoqda bo’lar edi. Shu tariqa birinchi semestrni ham tugatdim.
Hammasi shundan boshlandi, GPA ballim 3.5 bo’lgan edi va menga kontrakt uchun keyingi semesterga chegirma berilmadi. Kontrakt puli chiqadi deb o’ylamagandim. Shu sababli ishlab pul ham yig’magan edim. Kontrakt puli chiqqanini bilgach, yozda ishga chiqishni boshladim va pul yig’dim. Afsuski, ish tayinli topa olmadim, tayinli ishlay olmadim. Avgust oyida kontrakt pulini to’lash uchun ertalab ishlab ham, kechqurun ham ishga chiqdim. Lekin yetarli mablag’ni yig’a olmadim. Ustiga ustak kelish uchun olgan qarzimiz ham meni kutardi. Avgustda kontrakt to'lash payti kelganda esa bor-yog'i 400 dollar pulim bor edi. Kontrakt esa 1000 dollardan oshiq edi.
Kontrakt puli yetarli bo’lmaganiga o’qishimni Sojong universitetiga o'zgartirdim. Afsuski, immigratsiya Ta'lim vazirligi qaroriga ko’ra 3- va 4- qabulda topshirganlarga viza qilib bermadi. Shundan keyin menga 30-sentabrgacha mamlakatdan chiqib ketsam nolegal bo'lib qolmasligimni aytishdi.
Men nolegal bo'lmaslik uchun Koreyadan chiqib ketdim, hozir O'zbekistondaman. Koreyaga qaytib borsam deyman, lekin yana qarz ko'tarishim kerak bo’ladi. Bu esa bo’lgan voqea yana qaytarilishiga o’xshaydi. Aka-opalar, mening o’rnimda nima qilgan bo’lar edingiz? To’g’ri qildimmi? Endi qanday yo’l tutay?”
Hikoyangiz bo’lsa, koreawayu@gmail.com manziliga yuboring!
Instagram |
Telegram |
YouTube |
Facebook
