WAYU Korea

Haksenguz jamiyati bilan ilk hamkorlikdagi uchrashuvimizga marhamat! Ushbu loyiha Haksenguz jamoasiga tegishli bo’lib, unda Koreyada soha bo’yicha ishlash masalalari muhokama qilinadi.

🎤 So'zlovchilar:

Shahnoza – Jamiyatshunoslik |
Koreya Adliya Vazirligi va Immigratsiya Xizmati mentori
📌 Mavzu: Koreyada Oʻzlikni Topishning Ahamiyati

Jamshiddin – Huquq | Koreya Adliya Vazirligi va Immigratsiya Xizmati mentori
📌 Mavzu: Qanday Qilib? vs Nima Uchun?

Bu safar, Koreyada uzoq yillardan beri istiqomat qilib kelayotgan, boy tajriba va koʻnikmalari bilan, Koreyadagi hamyurtlarimizga beminnat yordamlari va foydali maslahatlarini berib kelayotgan, bir-biriga yaqin sohada faoliyat yuritadigan ikki nafar soha mutaxassislarini taklif etganmiz. Balkim siz ham ularning Telegram kanallarini kuzatsangiz kerak. Birlari Salom Koreya kanalini yuritsalar va yana birlari Seul Global Markazidagi Tajribam kanalini yuritadilar. Bu safar joylarimiz oldingidan koʻproq, bemalol doʻstlaringizni ham olib kelavering!

📅 Sana: 2025-yil, 22-Fevral (Shanba)
⏰Vaqt: 14:00 ~ 16:00
📍Joy: Oʻzbekiston Elchixonasi | 주한우즈베키스탄대사관

🌟 Uchrashuvda nimani kutishingiz mumkin:

🎤 Koreyada koʻplab hamyurtlarimizning muammolarini hal qilishda yordam berib kelayotgan tajribali soha mutaxassislaridan, foydali suhbatni tinglash orqali, Koreyada oʻzlikni topishning ahamiyati haqida bilib olasiz.
🤝 Hamfikrlar bilan aloqa o‘rnatish
💡Savol-javoblar va faol muhokamalar

👉 Ro'yxatdan o'tish uchun havola:
https://shorturl.at/hHi05

Manzilni Naver xaritada koʻrish:
https://naver.me/54kIDAS5

Manzilni Kakao xaritada koʻrish:
https://kko.kakao.com/_Du2JsTLLl

Doimiy hamkorimiz e9pay_uzbekistan tadbir ishtirokchilariga coffee break ham tashkil qiladi!

Instagram | Telegram | YouTube |  Facebook

Elyor Nurdinovdan #foydali post!

—————————

Yillar sayqallab boradi..

2017 yillar, Koreyaga endi kelgan kezlarim. Savollar paydo bo’lsa, katta kurs vakillaridan maslahat so’rardik. U paytlari ijtimoiy tarmoqlarda O’zbekistonliklar tomonidan yuritiladigan guruh va kanallar kamroq edi.

Hozir esa ancha sayqallanib, ma’lumot olish osonlashgan. Birlashuv qanday bo’ladi desa, ikkilanmay shuni ayta olsam ham kerak.

Keling bo’lmasam men sizga, moddiy manfaatlarni ko’zlamagan foydali manzillarni ulashsam!

Telegram:

1. Salom Koreya - guruh va kanal orqali “fact checking” qilingan ma’lumotlar, viza masalalari va Koreyada qonuniy yashash haqida foydali manlumot olasiz. Kanal admini Jamshiddin aka ham qonuniy shu sohada faoliyat yuritib keladilar.

2. Seul Global Markazi - Shahnoza opaning Seul Global Markazida ishlagan tajribalarini ulashish va yetuk chet ellik bo’lib yashahga chorlash.

3. WAYU Korea - O'zbekiston yoshlar umumjahon
assotsiatsiyasi "Janubiy Korea filiali". Juda ko’p tadbir va programmalar tashkil qilib kelayotgan rasmiy tashkilot. Ajoyib jamoa shakillantirilgan.

4. HaksengUz - Koreyada, soha bo'yicha ishlash, ish qidirish, ish intervyu, rezyume, roadmap, va netvorking haqida spikkerlar bilganlarini ulashib boradigan guruh.

5. UzOffice Networking - Bu guruhda Koreya Kompaniyalarida ishlab kelayotgan Yurtdoshlarimiz o’z tajribalarini ulashishadi.

Facebook:

1. Koreyadagi O’zbekistonliklar - Talaba, Ishchi, tadqiqodchi va biznesmen kabi barcha soha vakillarini qamrab olgan guruh. Har bir post iloji boricha adminlar tomonidan tekshiriladi. Bilib bilmaganni so’rab o’rganadigan guruh.

2. Uzbek students in Korea - Bu guruh eng birinchilardan bo’lib ochilgan. Asosan talabalar so’rovlariga focus qaratilgan.

3. Koreyadagi F2 va F5 viza Egalari - Bu guruhni shaxsan o’zim ochganman. Facebook da Ingliz tilida o’xshash kanal bo’lib, juda ko’pchilikning shu kabi viza olishiga sababchi va turtki bo’lgan. Men esa, O’zbekchasini tadbiq qilgim keldi. U yerda qancha O’zbekistonliklar ushbu vizada ekanligi va statistik ma’lumotlar tor doiarada berib boriladi.

You Tube:

1. Qo’shtirnoq Podcast - Koreyaga oid sonlarini ko’ring. Koreyada uzoq yillar yashab yurgan yurtdoshlar na’zdidagi Koreya muhokama qilinadi.

2. Abdumalik Nabiyev - Koreys madaniyati, tili va Grantlar haqisa beminnat maslahat va darsliklar berib boriladigan kanal

3. Insaan Tajribasi - Bu kanal asosan talaba va o’qishni tamomlagandan so’ng ish faoliyatini yuritishdagi kerakli elementlar ma’lumotlar ulashiladi. O’qish va ishga joylashishdagi Tip larni ham topasiz.

4. WAYU Korea - Yuqoridagi tashkilot You Tube kanali bo’lib, nisbatan keng formatdagi video mamlumotlarni topasiz.

X tarmog’i (Twitter ) :

1. Kortwipl (Koreya sastap) - yangi guruh bo’lib, asosan yangiliklar va Koreyadagilarga oid ma’lumotlarni o’zaro almashish jamiyati.

Men kuzatganlarimni sizlar bilan ham ulashdim. Aminmanki, bu ro’yxat aslida keng. Shunchaki informatsiyaga to’lgan zamonda, eng keraklisini qabul qilishingizni xohladim.

Hurmat bilan,
Elyor Nurdinov

Manbaa: @Elyorbilan

Instagram | Telegram | YouTube |  Facebook

#imkoniyat

Kon-metallurgiya sanoati va og‘ir sanoatning quyidagi yo‘nalishlarida faoliyat yuritayotgan va ta’lim olayotgan (bakalavr, magistratura, doktorantura) vatandoshlarni izlamoqdamiz:
• sun’iy intellekt;
• konchilik ishi;
• geologiya;
• mexanika;
• yangi materiallar texnologiyasi (materialshunoslik);
• ishlab chiqarishni avtomatlashtirish;
• IT mutaxassisligi;
• energetika;
• foydali qazilmalarni boyitish;
• rangli va noyob metallar metallurgiyasi.

Yosh mutaxassislar bilan O‘zbekistondagi kerakli vazirlik va tashkilotlar aloqa o‘rnatmoqchi.

Agar siz yuqorida berilgan sohalar bo’yicha tahsil olgan, olayotgan yoki ishlayotgan bo’lsangiz, b.salimov@agmk.uz elektron manziliga bog’laning.

O’zingizni tanishtirayotganda Koreyadagi O’zbekiston elchixonasi xabariga ko’ra bog’lanayotganingizni aytishni unutmang.

Instagram | Telegram | YouTube | Facebook

#wayuga_yordam

Xabaringiz bor, Wayu Korea Janubiy Koreyada nodavlat-notijorat tashkilot sifatida ro’yxatdan o’tgan. Esingizda bo’lsa, Inchon hokimyatiga yangi a’zolar ro’yxatini ko’rsatib, tashkilotning ro’yxatga olish hujjati muddatini uzaytirish uchun sizdan yordam so’ragan edik. Do’stlar, ko’magingiz bilan hozir bizning hujjatlarimizda hech qanday muammo yo’q va qonuniy faoliyat yuritmoqdamiz. 

Endilikda  Wayu Korea tomonidan 자원봉사 (ko'ngilli faoliyat), 1365 tizimi orqali volontyorlik soatini berish imkoniyatini qo’lga kiritish ustida ishlamoqdamiz. Koreyadagilar juda yaxshi bilishadi, ishga kirishda va viza almashtirish vaqtida bu ball juda kerak bo’ladi. Agar biz 1365 tizimi orqali ball berish imkoniyatini qo’lga kiritsak, Koreyadagi o’zbek yoshlariga yanada foydali bo’la olamiz deb umid qilmoqdamiz. 

Ushbu tizimda volontyorlik faoliyati uchun ball berish imkoniyatini olish maqsadida bizga a’zolarimizning ayrim ma’lumotlari kerak bo’lmoqda. Ma’lumotlar faqatgina Koreyaning davlat tashkilotiga topshiriladi va 1365 portali orqali ball berish imkoniyatini qo’lga kiritish uchungina foydalaniladi. Biz ma’lumotlaringiz xavfsizligini o’z zimmamizga olamiz. (Bu faqat Koreyadagilar uchun)

Ma’lumotlarni qoldirish: https://forms.gle/RCySueuToH6iCmFt7

Yordamingizdan hursand bo’lamiz! 

Instagram | Telegram | YouTube | Facebook