Сирдарё вилояти прокуратураси томонидан барча иш юритувчи ва операторлар учун прокуратура органларида иш юритиш ва ҳужжатлар ижросини назорат қилиш, ҳужжатларни сақлаш ва архив ишини тартибга солиш борасида тажриба ва малакаларини ошириш мақсадида янги қурилган Сирдарё вилоят прокуратурасида бевосита амалиёт билан боғланган ҳолда семинар ўтказилди.

Иштирокчилар вилоят прокуратураси девонхонаси, архиви, ашёвий далилларни сақлаш хонаси, иш юритувчининг бир кунлик иш тажрибаси, "Электрон ҳужжат айланиши" ахборот тизимидан фойдаланиш, мурожаатларни электрон дастурлар орқали қабул қилиш амалиёти билан танишдилар. 

Семинарда прокуратура органларида узоқ йиллар фаолият кўрсатган фахрий устоз Ш.Турсунов иштирок этиб, ўз ҳаётий тажрибалари билан ўртоқлашди.