Sirdaryo viloyat transport boshqarmasi |Rasmiy kanal

2023-yil 12-dekabr kuni Telegram ijtimoiy tarmog‘ida chop etilgan “Guliston shahridan – Guliston tumaniga (xalq tilida komsomol) ketishga 40 ga yaqin odam mashina kutayapti. Taksi kira qiladigan akalar har doimgidek narxini kosmosga chiqarib olishgan” maqolasi yuzasidan
#RASMIY MUNOSABAT
Sirdaryo viloyati Guliston shahar Xondamir ko‘chasi Sirdaryo viloyati qurilish bosh boshqarmasi ro‘parasidan yo‘lovchilar asosan Guliston shahridan Guliston tumanining chegaradosh yaqin hududlariga hamda Boyovut tumaniga qatnashadi.
Ushbu yo‘lovchilar to‘planadigan joydan “Guliston - Beshbuloq”, “Guliston – Boyovut mahallasi”, “Guliston - Qizilobod”, “Guliston – Sharq haqiqati MFY” avtobus yo‘nalishlarida 7 dona avtobuslar hamda “Guliston - Dehqonobod”, “Guliston - U.Nosir SFU”, “Guliston - Sh.Rashidov qishlog‘i”, “Guliston - U. Yusupov FXXU, 4-bo‘limi,Sh.Rashidov orqali”, “Guliston-Boyovut, 3-Boyovut orqali”, “Boyovut mahallasi - Guliston”, “Beshbuloq SIU - Guliston” yo‘nalishli taksi yo‘nalishlarida 20 dona mikroavtobus va 80 dan ortiq “Damas” rusumli transport vositalari qatnovlarni amalga oshirib, aholiga muntazam jamoat transporti xizmatlarini koʻrsatib kelmoqda.
Respublikamiz hududida ob-havo haroratining keskin sovib ketganligi sababli Avtomobillarga gaz to‘ldirish kompressor shaxobchalari (AGTKSh) joriy yilning 12-dekabr kunidan boshlab qisqartirilgan ish rejimida (6:00 dan 12:00 gacha) avtomobillarga siqilgan tabiiy gaz yetkazib berish xizmatini ko‘rsatishi belgilanganligi, AGTKShlarida yuzaga kelgan navbatlar sababli mazkur avtotransport vositalarining harakatlanish jadvallarida uzilishlar kuzatilgan.
Hozirgi vaqtda barcha yuzaga kelgan muammolarni bartaraf etish boʻyicha mutassadi tashkilotlar bilan tegishli chora-tadbirlar amalga oshirilib, mazkur yo‘nalishlarda jamoat transporti qatnovlari belgilangan jadvallar asosida yo‘lga qo‘yildi.
Sirdaryo viloyati transport boshqarmasi