“Ҳудудий электр тармоқлари” АЖ: чиқиндидан қарзи борлар электрдан узилмайди

Ижтимоий тармоқларда 1 ноябрдан чиқинди хизматидан қарзи бор фуқаролар электр энергиясидан узилиши ҳақида хабарлар тарқалди. “Ҳудудий электр тармоқлари” АЖ бу мутлақо асоссиз эканлигини маълум қилди.

Қайд этилишича, айни пайтда “Ҳудудий электр тармоқлари” томонидан истеъмолчининг чиқиндидан қарздорлик бўйича огоҳлантирилгандан кейин тўлов қилмаган шахсларнинг электр учун тўловларини қабул қилишни вақтинчалик чеклаш амалиёти жорий этилиши бўйича техник ишлар олиб борилмоқда.

“Шу ўринда чиқиндидан қарздор истеъмолчилар электр энергиясидан узилиши ҳақидаги хабарлар мутлақо асоссиз эканлигини маълум қиламиз”, дейилади хабарда.
 

✅Telegram 🌍Web-site ♾️ Facebook 📸Instagram 🎞 Youtube ✅Twitter