Nega kanalimda kamdan kam yozyapman?

Avvallari boshqa kanallarda yoki saytlarda mavjud xabarlarni qayta ulashardim. Keyinchalik anglab yetdimki, bu ish "velosipedni qayta ixtiro qilish" ekan. Bundan tashqari bi voqea haqida o'qib, keyinchalik videoda ham ko'rib qoldim:

Saljuqiylar vaziri Nizomulmulk ilmidan foydalanish uchun Imom G'azzoliyni Isfahonga, Nizomiyya madrasasiga chaqiradi. O'shanda madrasa olimlarining botiniy firqalarga qarata yozgan raddiya asarlariga nazar soladi va ularni suvga uloqtiradi. Undan nega bunday qilganini so'rashganida shunday deydi:

Sadrda shifo bo'lmaganning satrda yeri yo'qdir.

Sadr - bu ko'krak qafasi, qalb nazarda tutilgan. Satr esa siz bilgan jumlalar qatoriga satr deyiladi. Qofiya va maʼnoning uygʻunligiga hayron qolganman. Shu bilan, odamlarni vaqtini oladigan narsalarni yozmaslikka qaror qildim.

Xullas, shu kanaldagi insonlarga foydali bo'lmasa, behuda lag'v gaplarni yozgim kelmaydi. Siyosiy xabarlarni muhokama qilib bosh og'ritgim ham kelmaydi, zotan bunday guruhlar, kanallar talaygina.

#fikrlar