#FOYDALI_TIBBIY_MA‘LUMOTLAR
Tonzillit – (xalq tilida tomoq og‘rig‘i)-bu bodomcha bezlarining yallig‘lanishi bilan kechuvchi kasallik bo‘lib, u bakterial yoki virusli infeksiya natijasida yuzaga keladi. Kasallik o‘tkir yoki surunkali shaklda bo‘lishi mumkin.
1⃣.O‘tkir tonzillit
Odatda virus yoki bakteriyalar, ayniqsa A guruhi beta-gemolitik streptokokklar sabab bo‘ladi.
♻️Belgilari:

-Tomoq og‘rig‘i, yutishda noqulaylik
-Isitma (38-39°C)
-Bodomcha bezlarining kattalashishi, qizarishi va yiringli qoplamalar paydo bo‘lishi
-Bosh og‘rig‘i, umumiy holsizlik
-Yomon hidli nafas

2⃣.Surunkali tonzillit
Agar o‘tkir tonzillit to‘liq davolanmasa yoki tez-tez takrorlansa, surunkali shaklga o‘tishi mumkin.
♻️Belgilari:

-Davriy tomoq og‘rig‘i
-Bodomchalarning doimiy kattalashishi va ularning ichida yiring to‘planishi
-Nafasning yomon hidlanishi
-Charchoq va holsizlik
-Bo‘g‘im og‘riqlari

3⃣.Davolash
-Bakterial tonzillit: Antibiotiklar (asosan, penitsillin guruhi) buyuriladi.
-Virusli tonzillit: Asosiy e‘tibor simptomatik davolashga qaratiladi – issiqlik tushiruvchi dorilar, tomoq uchun antiseptik eritmalar va ko‘p suyuqlik ichish tavsiya etiladi.
-Surunkali tonzillit: Agar dori vositalari yordam bermasa yoki kasallik tez-tez qaytalansa, jarrohlik yo‘li bilan bodomcha bezlarini olib tashlash (tonsillektomiya) tavsiya etiladi.
4⃣.Oldini olish

-Immunitetni mustahkamlash
-Sovuq ichimlik va ovqatdan saqlanish❗️
-O‘tkir respirator kasalliklarni vaqtida davolash
-Tomoq gigiyenasiga rioya qilish

Agar sizda tonzillit alomatlari bo‘lsa, shifokorga murojaat qilish muhim!