Sanepidqo‘mita Toshloq tuman bo‘limi

⚡️⚡️"SOXTA SES" XODIMLARIDAN EHTIYOT BO'LING!

❓Kundalik turmushda "SES" xodimiman deb pul yig‘ib yurganlar kimlar?

Dezinfeksiya  - bu tashqi muhitda yuqumli kasalliklar qo‘zg‘atuvchilarini yo‘qotishga, ya'ni zararsizlantirishga qaratilgan tadbir hisoblanadi. Dezinfeksiya atamasi bu umumiy yig‘ma atama hisoblanib, dezinfeksiya tarkibiga : dezinfeksiya, dezinseksiya, deratizatsiya tadbirlari kiradi.

‼️Sanepidqo‘mita Toshkent shahar boshqarmasi va  tuman dezinfeksiya bo‘limlarida epidemiologik ko‘rsatmaga asosan  yuqumli kasalliklar aniqlangan o‘choqlarda zararsizlantirish ishlari o‘tkazib kelinmoqda.

📝Bundan tashqari Toshkent shahar aholisidan bizning boshqarmaga o‘zini "SES" xodimi deb tanishtirib, xonadonlar, tadbirkorlik subyektlari oshxona, kafe, xususiy klinikalar, sartoroshxona, go‘zallik salonlari va boshqa turli tashkilotlarga majburiy dezinfeksiya qilish talabini qo‘yib, pul undirib ketish holatlari bo‘yicha ko‘p murojaatlar kelib tushmoqda.

Ma'lumot o‘rnida shuni aytib o‘tish kerakki, Sanepidqo‘mita Toshkent shahar boshqarmasi va tuman bo‘limlari xodimlari dezinfeksiya o‘tkazish va dorilarni sotish  uchun uyma-uy va tadbirkorlik subyektlarida yurmaydi. Bunday xizmat aholining ixtiyoriy murojaatiga ko‘ra shartnoma asosida o‘tkazib beriladi. Shuningdek, Qo'mita xodimlari tomonidan yuqumli kasalliklar aniqlangan o‘choqlarda epidemiologik ko‘rsatmaga asosan dezinfeksiya ishlari o‘tkaziladi.

🔹Yuqoridagilarni ma'lum qilish bilan birga Toshkent shahar aholisiga murojaat qilar edikki, sizning ish faoliyatingiz va uyingizga o‘zini "SES" xodimi deb tanishtirib kelgan shaxslar (soxta SES xodimlari) bo‘yicha ogohlikni oshirib, ularning xizmat guvohnomasini talab qilishingizni, agar ular xususiy dezinfeksiya faoliyati bilan shug‘ullanuvchi korxona xodimi bo‘lsa, korxona hujjatlari va dezinfeksiya faoliyati bilan shug‘ullanish uchun maxsus lisenziyasini talab qilib, zararsizlantirish uchun ishlatiladigan dezinfeksiya vositasi belgilangan tartibda davlat ro‘yxatidan o‘tganligi bo‘yicha hujjatlarni taqdim qilgandagina, shunda ham ixtiyoriy ravishda dezinfeksiya tadbirlarini o‘tkazishingiz mumkin. Yuqoridagi shaxslar tomonidan firibgarlik yo‘li bilan pul undirish holatlari kuzatilsa, hududiy uchastka noziri yoki 102 telefon raqamiga murojaat qilishingiz mumkin.

Sanepidqo‘mita Axborot xizmati

Telegram| Instagram| Facebook| Youtube

​​Ўзбекистонда «Тоза қўллар» дастури ишга туширилади

Ўзбекистонда май ойидан «Тоза қўллар» дастури бошланади. Барча соғлиқни сақлаш ва таълим муассасаларида қўл ювиш жойлари жиҳозланиши, жамоат ҳожатхоналари ва умумий овқатланиш пунктлари совун ҳамда антисептик билан таъминланиши, санитария-гигиена тизимини яхшилаш дастури қабул қилиниши керак.

Ўзбекистонда 1 майдан аҳоли, айниқса, ёш авлод вакилларининг санитария-гигиена воситаларидан фойдаланиш имкониятларини кенгайтиришга қаратилган «Тоза қўллар» дастурини амалга ошириш бошланади. Бу президентнинг 30 январдаги фармони билан тасдиқланган, «Ўзбекистон-2030» стратегиясини «Атроф-муҳитни муҳофаза қилиш ва «яшил иқтисодиёт» йили (2025)да амалга оширишга оид давлат дастурида кўзда тутилган.

«Тоза қўллар» дастури барча соғлиқни сақлаш ва таълим муассасаларида қўл ювиш жойларини зарур санитария-гигиена воситалари билан таъминлаши керак.

Бундан ташқари, санитария-гигиена хоналари (ҳожатхоналар, душ ва бошқалар)нинг техник ҳолатини яхшилаш чоралари кўрилиши, барча қурилаётган янги муассасаларда эса улар биноларнинг ички қисмида жойлаштирилиши керак.

Ушбу муассасалар йил давомида биринчи навбатда қўл ювиш ва антисептик воситаларни харид қилишни назарда тутишни режалаштиришлари керак.

Шунингдек, май ойидан бошлаб барча турдаги жамоат санитария-гигиена шохобчалари ва умумий овқатланиш ташкилотларини санитария-гигиена воситалари билан таъминлаш бўйича мажбуриятлар жорий этилади.

Иқтисодиёт ва молия вазирлигига, зарур ҳолларда, биринчи даражали бюджет маблағларини тақсимловчиларнинг асослантирилган ҳисоб-китоблари асосида йил давомида бюджет ташкилотларига қарорда назарда тутилган тадбирлар учун қўшимча маблағлар ажратиш топширилди.

Санитария-эпидемиологик осойишталик ва жамоат саломатлиги қўмитасига бир ой муддатда мазкур муассасаларда санитария-гигиена ҳолатини сақлаш учун маблағлар ажратиш нормативларини қайта кўриб чиқиш ва уларнинг амалда бажарилиши устидан қатъий назорат ўрнатиш топширилди.

Соғлиқни сақлаш вазирлиги, Иқтисодиёт ва молия вазирлиги, Мактабгача ва мактаб таълими вазирлиги, Қурилиш ва уй-жой коммунал хўжалиги вазирлигига 1 августга қадар Жаҳон соғлиқни сақлаш ташкилоти ва БМТнинг халқаро экспертларини жалб қилган ҳолда республиканинг барча ижтимоий соҳа муассасаларида, жумладан, умумий овқатланиш шохобчалари ва вилоятлараро автомобиль йўллари бўйидаги санитария-гигиена шохобчаларида санитария-гигиена тизимини яхшилаш дастурини ишлаб чиқиш ва ҳукуматга киритиш вазифаси қўйилди.

Манба: gazeta.uz

👨‍🏫 O‘quvchilarning yoshiga qarab sumka tanlashda ota-onalar nimalarga e’tibor berishlari kerak?

Darsliklar borasida qanday me’yorlar qabul qilingan?

– O‘qituvchi bolaga ta’lim berish jarayonida har bir fan oddiylikdan murakkablik sari izchil davom etgan asoslarga tayanadi. Bu asoslar esa o‘quv adabiyotlari – darsliklarda aks ettiriladi.
Umumta’lim maktablarining o‘quvchilari foydalanadigan o‘quv darsliklari O‘zbekiston Respublikasi Vazirlar Mahkamasining “Ta’lim muassasalari uchun matbaa mahsulotlari xavfsizligi talablarini belgilashning umumiy texnik reglamentini tasdiqlash to‘g‘risida” 2022 yil 28 dekabrdagi 726-sonli qarori bilan tasdiqlangan umumiy texnik reglamentga hamda Sog‘liqni saqlash vazirligining 2018 yilda tasdiqlangan “Гигиенические требования к изданиям учебным для общего среднего и среднего специалного, профессионалного образования” 0359-18-sonli sanitariya qoida va me’yorlari talablari asosida tayyorlanadi.
Yuqoridagi hujjatlarga muvofiq o‘quv darsliklarining og‘irligi quyidagicha belgilangan:

✳️– 1-4 sinflar uchun bitta nashrning og‘irligi 300 gramm (+/-10 foiz) dan;

✳️➖5-6 sinflar uchun bitta nashrning og‘irligi 400 gramm (+/-10 foiz) dan;

✳️➖ 7-9 sinflar uchun bitta nashrning og‘irligi 500 gramm (+/-10 foiz) dan;

✳️➖10-11sinflar uchun bitta nashrning og‘irligi 600 gramm (+/-10 foiz) dan.

📣 Agar bir kunda o‘quvchilarning darsi 🕑 4-5 soatni tashkil etadigan bo‘lsa faqat nashrning vazni 1,5-2,5-3 va undan ko‘proq kilogrammga aylanadi.

Bundan tashqari, sumkaga daftar, kundalik, qalam, ruchka va kerakli o‘quv qurollarining solinishi sumka og‘irligini yanada oshishiga olib ketadi.

❗️Shuningdek, bir o‘quv kuni uchun mo‘ljallangan darsliklarning yozuv anjomlari bilan birgalikda jami og‘irligi o‘quvchi sumkasi yoki ryukzagini hisobga olmaganda 1-2 kilometr masofagacha quyidagi o‘rnatilgan me’yorlardan ortiq bo‘lishi kerak emas.

✅ Agar bola sog‘lom rivojlanayotgan bo‘lsa, belgilangan me’yordagidan birmuncha ortiq yuk ko‘tarsa ham uning salomatligiga ziyon yetmaydi. Ammo, ortiqcha yuk ko‘tarib yurish doimiy bo‘lmasligi shart. Doimiy tarzda og‘ir o‘quv sumkasini ko‘tarib yurish holsizlanish, charchoq hamda o‘quvchida yurakning normal ishlashiga ham ta’sir ko‘rsatib ortiqcha bosimni paydo qiladi.
Og‘ir maktab sumkasi bolaning tana shakliga salbiy ta’sir qiladi.

🚶‍♂‍➡️Bola og‘ir sumka ko‘targanligi sababli, bosh, bo‘yin va yelka qismini oldinga egib oladi. Bunday davomli holat umrtqa pog‘onasining qiyshayishiga (skolioz), hatto bukrilikka ham olib kelishi mumkin. Farzandingizga maktab sumkasi sotib olayotganda og‘irligi 700 grammdan 1200 grammgacha bo‘lgan, o‘zidan yoqimsiz hid taratadigan sintetik material bilan ishlanmagan sumkalarni tanlashga e’tibor qaratish lozim. Ichiga o‘quv qurollari solingan maktab sumkasi o‘quvchi vaznining 10-15% dan oshmasligi tavsiya etiladi. Misol uchun agar o‘quvchining vazni 40 kg bo‘lsa, uning maktab sumkasi 4-6 kg dan oshmasligi kerak.

👨‍🏫Sinflar misolida:

1-2 sinf 3 kg dan og‘ir bo‘lmasligi

3-4 sinf 3,5kg dan og‘ir bo‘lmasligi

5-6 sinf 5kg dan og‘ir bo‘lmasligi

7-8 sinf 6,5 kg dan og‘ir bo‘lmasligi

9-11 sinf 8 kg dan og‘ir bo‘lmasligi kerak

Sanepidqo‘mita Axborot xizmati

Telegram| Instagram| Facebook|Youtobe|