Nega ko‘p martalik ichimlik idishlari va tushlik qutisidan foydalanishingiz kerak? ♻️💡
Chunki ularning bir martalik plastik muqobillari yuzlab yillar davomida yo‘q bo‘lib ketmay, sayyoramizni ifloslantirishda davom etadi. Insoniyat har kuni ularni tasavvurga sig‘maydigan darajada katta hajmda axlatga tashlaydi.
Endi esa, men ko‘p martalik idishlar pulingizni tejaydi, sog‘lig‘ingizni yaxshilaydi va hayotingizni osonlashtiradi desam, hech bo‘lmaganda termos olib yurishni boshlaysizmi?
Blogimda talabalar ko’pligini hisobga olib misollarni ularga moslab tuzishga harakat qilaman:
📌 Pulni tejash
Universitetda grant asosida o’qisangiz ham, shaxsiy va yashash xarajatlaringiz sizga qimmatga tushadi. Ayniqsa, talabalik ishlash imkoniyatini cheklasa, pulni har kuni tashlab yuboriladigan narsalarga sarflash mantiqsiz. Masalan, kuniga bittadan 0.5 litrli suvni 3,000 so’mdan sotib olsangiz, oyiga 90,000 so‘m sarflaysiz – bu esa bitta yaxshi sifatli suv idishining narxiga teng. Xuddi shunday, ba’zida universitetga tushlik qutisida uydan yengilroq tamaddi olib borish universitet oshxonasidagi xarajatlaringizni ikki barobarga kamaytirishi mumkin.
📌 Sog'liqni saqlash
Sog‘liq bo’lmasa, darslarda diqqatni jamlay olmaysiz va samaradorligingiz o’z-o’zidan tushib ketadi. Biz kundalik hayotimizda ishlatadigan bir martalik plastik idishlarning tarkibidagi BPA (Bifenol A) va boshqa zaharli kimyoviy moddalar esa issiq ovqat yoki ichimligimizga singib gormonlar muvozanati buzilishi va boshqa sog’liq bilan bog’liq muammolar kelib chiqishiga sabab bo'ladi.
📌 Qulaylik
Bundan tashqari, ko‘p martalik idishlar talabalar uchun boshqa jihatlari bilan ham juda qulay. Misol uchun, termos yoki izolatsiyalangan idishlar ichimligingizning haroratini uzoq vaqt saqlaydi va tez-tez to’ldirib ko’proq suv ichish odatingizni shakllantirish ehtimoli katta. Tushlik qutisi esa sizga o’zingiz ishonchli va sog‘lom ovqat tayyorlab olib tashqarida boshqa ishlaringiz bilan mashg’ul bo’lishingizga yordam beradi.
Bir so‘z bilan aytganda, ko’p martalik idishlardan foydalanib atrof-muhitni asrash bilan birga, o‘zingizga ham yaxshilik qilgan bo‘lasiz. Shunday ekan, bugunoq boshlang va rahmat sifatida tajribangiz haqida menga yozing! 💬😊
#environmentalprotection #healthylifestyle
@sarvis_blog
Chunki ularning bir martalik plastik muqobillari yuzlab yillar davomida yo‘q bo‘lib ketmay, sayyoramizni ifloslantirishda davom etadi. Insoniyat har kuni ularni tasavvurga sig‘maydigan darajada katta hajmda axlatga tashlaydi.
Endi esa, men ko‘p martalik idishlar pulingizni tejaydi, sog‘lig‘ingizni yaxshilaydi va hayotingizni osonlashtiradi desam, hech bo‘lmaganda termos olib yurishni boshlaysizmi?
Blogimda talabalar ko’pligini hisobga olib misollarni ularga moslab tuzishga harakat qilaman:
📌 Pulni tejash
Universitetda grant asosida o’qisangiz ham, shaxsiy va yashash xarajatlaringiz sizga qimmatga tushadi. Ayniqsa, talabalik ishlash imkoniyatini cheklasa, pulni har kuni tashlab yuboriladigan narsalarga sarflash mantiqsiz. Masalan, kuniga bittadan 0.5 litrli suvni 3,000 so’mdan sotib olsangiz, oyiga 90,000 so‘m sarflaysiz – bu esa bitta yaxshi sifatli suv idishining narxiga teng. Xuddi shunday, ba’zida universitetga tushlik qutisida uydan yengilroq tamaddi olib borish universitet oshxonasidagi xarajatlaringizni ikki barobarga kamaytirishi mumkin.
📌 Sog'liqni saqlash
Sog‘liq bo’lmasa, darslarda diqqatni jamlay olmaysiz va samaradorligingiz o’z-o’zidan tushib ketadi. Biz kundalik hayotimizda ishlatadigan bir martalik plastik idishlarning tarkibidagi BPA (Bifenol A) va boshqa zaharli kimyoviy moddalar esa issiq ovqat yoki ichimligimizga singib gormonlar muvozanati buzilishi va boshqa sog’liq bilan bog’liq muammolar kelib chiqishiga sabab bo'ladi.
📌 Qulaylik
Bundan tashqari, ko‘p martalik idishlar talabalar uchun boshqa jihatlari bilan ham juda qulay. Misol uchun, termos yoki izolatsiyalangan idishlar ichimligingizning haroratini uzoq vaqt saqlaydi va tez-tez to’ldirib ko’proq suv ichish odatingizni shakllantirish ehtimoli katta. Tushlik qutisi esa sizga o’zingiz ishonchli va sog‘lom ovqat tayyorlab olib tashqarida boshqa ishlaringiz bilan mashg’ul bo’lishingizga yordam beradi.
Bir so‘z bilan aytganda, ko’p martalik idishlardan foydalanib atrof-muhitni asrash bilan birga, o‘zingizga ham yaxshilik qilgan bo‘lasiz. Shunday ekan, bugunoq boshlang va rahmat sifatida tajribangiz haqida menga yozing! 💬😊
#environmentalprotection #healthylifestyle
@sarvis_blog