Bugun Surxondaryo viloyati hokimi Ulug‘bek Qosimov Sherobod tumani hokimligida "Kambag‘allikdan farovonlik sari" dasturi doirasida ijtimoiy reestrga kiritilgan oilalarning farzandlari uchun tashkil etilgan bayram tadbirida ishtirok etdi.

Tadbir Termiz shahri va tumanlar hokimliklarida ham tashkil etilib, viloyat rahbari hududiy studiyalar orqali videokonfrensaloqa orqali bolajonlarni kirib kelayotgan Yangi yil bayrami bilan tabrikladi. Shuningdek, hududiy studiyalarda ishtirok etgan 1 000 nafarga yaqin bolajonlarga bayram sovg‘alari topshirildi hamda bayramona konsert dasturi namoyish etildi.

Ma’lumot uchun, vohamizda kambag‘allikdan chiqarish dasturiga 1 774 ta oilaning 8 770 dan ortiq a’zolari kiritilgan bo‘lib, shu kunlarda biriktirilgan mas’ullar tomonidan oilalarning maktab yoshidagi farzandlari uchun o‘quv anjomlari, kitoblar jamlanmalari, kiyim-kechaklar va bayram sovg‘alari yetkazib berilmoqda.

Surxondaryo.uz | Telegram | Facebook | Instagram | YouTube | X