Ҳудудлардан хабарлар

Самарқанд вилояти божхона бошқармаси бошлиғи Я.Мирзараҳимов “Жартепа” чегара божхона постида бўлиб, иситиш тизими, электр қурилмалари, генератор фаолияти ҳамда хизмат хоналари ҳолатини кўздан кечирди. Аниқланган камчиликларни зудлик билан бартараф этишга киришилди.

Фарғона вилояти божхоначилари 12 турдаги 138 минг донадан зиёд пиротехника маҳсулотларининг ноқонуний айланмасига чек қўйишди.

Қорақалпоғистон Республикаси божхона бошқармаси бошлиғи З.Турдалиев “Хўжайли” чегара божхона постида бўлиб, постнинг қиш мавсумига тайёргарлик даражаси билан танишди. Мураккаб иқлим шароитига эга мазкур ҳудудда хизмат олиб бораётган божхона пости ходимлари учун барча зарур шароитларни яратиш юзасидан қўшимча чоралар белгилаб олинди.

“Учқўрғон” чегара божхона пости ходимлари Учқўрғон тумани Бўстон маҳалласидаги эҳтиёжманд оилалар фарзандларига янги йил совғаларини улашишди.

Наманган вилояти божхона бошқармаси бошлиғи У.Кодиров "Учқўрғон" чегара божхона постида бўлиб, биноларни иситиш тизимининг узлуксиз ишлаши, ходимлар учун қишки мавсумда муносиб шароитларни ҳозирлаш бўйича олиб борилган ишларни ўрганди.

Тошкент вилояти божхона бошқармаси Матбуот хизмати Масофавий электрон декларациялаш божхона пости ходимларининг 31 декабрь оқшомидаги хизмат жараёнидан видеоролик намойиш қилди.

Янги йилнинг илк кунида Божхона институти курсантлари ўртасида армрестлинг, арқон тортиш ва стол тенниси мусобақалари ўтказилди.