Davlatimiz rahbarining topshiriqlari bilan mahallalarda infratuzilmani yaxshilash, aholining tomorqadan samarali foydalanish madaniyatini yuksaltirish, bandligini ta’minlash hamda kambag‘allikni qisqartirish dasturi amalga oshirilmoqda. Xususan, viloyatimizdagi 724 ta mahallada kam daromadli oilalar xonadonlarida 75 mingdan ortiq xurmo, limon va anjir ko‘chatlari ekish, infratuzilmani yaxshilash ishlari bajarilmoqda.
Viloyat hokimi o‘tgan hafta Qumqo‘rg‘on tumani "Arslonboyli" mahallasida bo‘lib, bu boradagi ishlar bilan tanishgandi hamda yangi vazifalarni belgilab bergan edi. Hozirga qadar mahallada ko‘cha chiroqlari o‘rnatilib, xonadonlarda 500 ta bodom, 2 000 ta xurmo va 500 dan ortiq manzarali ko‘chatlar ekilgan. Bo‘sh turgan tomorqalarni shudgorlash, ekin ekish hamda oqova suv bilan ta’minlash tadbirlari davom etmoqda.
Bugun Surxondaryo viloyati hokimi Ulug‘bek Qosimov ushbu mahallaga qayta tashrif buyurib, topshiriqlar ijrosi bilan tanishdi. Mahallada kooperatsiya tashkil etish orqali bo‘sh turgan tomorqalarga eksportbop ekinlar ko‘chatlari yetkazib berish, parvarishini o‘rgatish hamda pishib yetilgan mahsulotni sotib olib, eksportga yo‘naltirish vazifalari topshirildi.
Shundan so‘ng, "Jaloyir" mahallasida yashovchi Zokir Boyqobilov xonadonida issiqxonachilik, karam va ko‘chat yetishtirish faoliyati bilan tanishildi. Issiqxonada kartoshka yetishtirilayotgan bo‘lib, mart oyining birinchi o‘n kunlida pishib yetilishi qayd etildi. Viloyat rahbari ushbu tajribani mahallalarda ommalashtirish, aholini yerdan unumli foydalanishga o‘rgatish lozimligini ta’kidladi.
Surxondaryo.uz | Telegram | Facebook | Instagram | YouTube | X
Viloyat hokimi o‘tgan hafta Qumqo‘rg‘on tumani "Arslonboyli" mahallasida bo‘lib, bu boradagi ishlar bilan tanishgandi hamda yangi vazifalarni belgilab bergan edi. Hozirga qadar mahallada ko‘cha chiroqlari o‘rnatilib, xonadonlarda 500 ta bodom, 2 000 ta xurmo va 500 dan ortiq manzarali ko‘chatlar ekilgan. Bo‘sh turgan tomorqalarni shudgorlash, ekin ekish hamda oqova suv bilan ta’minlash tadbirlari davom etmoqda.
Bugun Surxondaryo viloyati hokimi Ulug‘bek Qosimov ushbu mahallaga qayta tashrif buyurib, topshiriqlar ijrosi bilan tanishdi. Mahallada kooperatsiya tashkil etish orqali bo‘sh turgan tomorqalarga eksportbop ekinlar ko‘chatlari yetkazib berish, parvarishini o‘rgatish hamda pishib yetilgan mahsulotni sotib olib, eksportga yo‘naltirish vazifalari topshirildi.
Shundan so‘ng, "Jaloyir" mahallasida yashovchi Zokir Boyqobilov xonadonida issiqxonachilik, karam va ko‘chat yetishtirish faoliyati bilan tanishildi. Issiqxonada kartoshka yetishtirilayotgan bo‘lib, mart oyining birinchi o‘n kunlida pishib yetilishi qayd etildi. Viloyat rahbari ushbu tajribani mahallalarda ommalashtirish, aholini yerdan unumli foydalanishga o‘rgatish lozimligini ta’kidladi.
Surxondaryo.uz | Telegram | Facebook | Instagram | YouTube | X