Qumqo'rg'on tumani hokimligi

Prezidentimiz tomonidan belgilangan yangi tizim doirasida aholining tomorqa va ijara yerlaridan samarali foydalanish orqali daromadlarini oshirishga qaratilgan chora-tadbirlar izchil amalga oshirilmoqda. Shu maqsadda tashkil etilgan Respublika seminari ayni paytda Surxondaryo viloyatida o‘tkazilmoqda.

Mazkur tadbirda Kambag‘allikni qisqartirish va bandlik vaziri Botir Zaxidov ham ishtirok etib, yurtimizning turli hududlaridan tashrif buyurgan mutasaddilar bilan birga Termiz tumani “Qahramon” mahallasida joylashgan Surxondaryo tomorqa maktabi, Angor tumani “Bahor” va “Ilg‘or” mahallalarida yetishtirilayotgan mahsulotlarning eksport jarayonlari, shuningdek, Qumqo‘rg‘on va Sariosiyo tumanlarida tomorqadan samarali foydalanish hamda ko‘chatchilik loyihalari bilan tanishdi.

Seminar doirasida mahallalarda tomorqa va ijara yerlaridan unumli foydalanish, xususan, “Bir mahalla – bir mahsulot” tamoyili asosida olib borilayotgan ishlarni yanada rivojlantirish, eksportga yo‘naltirilgan mahsulotlarni ko‘proq yetishtirish orqali aholi daromadlarini oshirish bo‘yicha muhim chora-tadbirlar belgilandi.

Shuningdek, seminar ishtirokchilariga Surxondaryo viloyatida yaratilgan ilg‘or tajriba taqdim etilib, ushbu modelni mamlakatimizning boshqa hududlarida ham keng joriy etish zarurligi qayd etildi.

Surxondaryo.uz | Telegram | Facebook | Instagram | YouTube | X

Surxondaryo viloyatida ilg‘or tajribalar ommalashtirilmoqda

Oʻzbekiston Respublikasi Prezidenti tomonidan belgilab berilgan yangi tizim asosida aholining tomorqa va ijara yerlaridan samarali foydalanish orqali daromadlarini oshirish chora-tadbirlari to‘g‘risidagi topshiriqlari ijrosi doirasida Surxondaryo viloyati bo‘ylab o‘tkazilayotlan respublika seminari Qumqoʻrgʻon tumanida ham bo‘lib o‘tdi.

Kambagʻallikni qisqartirish va bandlik vaziri Botir Zohidov, O‘zbekiston Yoshlar ishlari agentligi direktori Alisher Sadullayev boshchiligidagi mehmonlarni viloyat hokimi o‘rinbosari Sherzod Rajabov hamda Qumqo’rg’on tumani hokimi Anvar Normamatov kutib oldi.

Mehmonlar Uyas mahallasida olib borilayotgan qishloq xójaligi sohasidagi ishlar bilan tanishdilar. Mahallalarda tomorqa va ijara yerlaridan, xususan, issiqxonalardan samarali foydalanish orqali aholi daromadlarini oshirish, “Bir mahalla – bir mahsulot” tamoyili asosida olib borilayotgan ishlar bilan tanishishdi.

Surxondaryo viloyati direktorlar kengashi hamda Qumqo’rg’on tuman Maktabgacha va maktab ta’limi bo‘limi hamkorligida Qumqo’rg’on tumanidagi umumta’lim muassasalari direktorlari uchun “Ta’lim muassasalarida sifat menejmenti: Zamonaviy yondashuvlar” mavzusida o‘quv-seminari tashkil etildi.

Seminarni Qumqo’rg’on tuman Maktabgacha va maktab ta’limi bo‘limi boshlig‘i Ramazon Normuratov hamda Surxondaryo viloyati direktorlar kengashi raisi E.Isaqova ochib berdi.

Ushbu seminar bir nechta sho‘balarda tashkil etilgan bo‘lib, unda ta’lim tizimiga aloqador so‘nggi normativ-huquqiy hujjatlar, xususan,“Ta’lim to‘g‘risida”gi hamda “Pedagog maqomi to‘g‘risida”gi qonunlar, Prezident farmon, qarorlari, hukumat qarorlari bilan yaqindan tanishtirildi.

Qolaversa, ta’lim muassasasini samarali boshqarish, liderlik ko‘nikmalari shakllantirish, odob-axloq qoidalari haqida ham alohida sho‘balarda mashg‘ulotlar olib borildi.

Telegram | Instagram | YouTube | Web-site | Facebook | X