#СЎНГГИ_НАФАСГАЧА
- Опааа... Шу адолатданми, жон опааа?! Биттаси эмас, иккитаси эмас, оиламдаги барча эркакни бир деганда урушга олиб кетса-я? Ҳайҳотдек ҳовлида келин иккимиз қолиб кетдик. Абдулатифимнинг уйланганига энди уч ой бўлганди. Муҳаммаджоним бўлса... Айтинг, нима орзу-ҳавас кўрди шўрлик болаларим? Шундоққина бўйи бўйимдан ошганда бағримдан тортиб олишса-я? Илоё, уруш бошлаганларни бўйи лаҳадда чирисин! Илоё, Гитлер деганлари қон қусиб ўлсин! Опааа...- юм-юм йиғларди Сабоҳат,- биласиз, ман умримда бировни қарғамаганман. Бошқалар ҳақида ёмон гумонга бормаганман. Аммо бу жувонмаргларни ер муштлаб қарғайман. Илоё у дунё, бу дунё хор бўлсин! Илоё болаларимизни кўзлаган кўзлари ситилиб оқсин! Оқмаса розимасман, асти розимасман!
Сабоҳатнинг рўмоли бошидан сирғалиб тушган, иккита қилиб ўрилган сочлари елкаси оша эгасининг бошига келган алам-у ситамларни кўтара олмаган каби аёл ҳар йиғига зўр берганда дард билан тўлғонар эди.
Овсинининг сўзларидан уни бағрига босиб юпатаётган Раҳима холанинг юрак-бағри ўртаниб, ичи узилиб кетаётганди: "Якка-ю ёлғизим Абдужабборимнинг аҳволи нима кечаётган экан? Иссиқ ўлка ҳисобланмиш Ўзбекистонда қиш шунчалик қаттиқ ҳукмронлик қилаётган бир вақтда , " туф" деса тупуги ерга тушмай яхлаб қоладиган Россияда нима гаплар экан? Абдужабборим кўзимнинг оқ-у қораси, илоё Яратган эгам ёмон назарлардан сени ўзи асрасин. Илоё Муҳаммаджонимиз тўғрисидаги шумхабар янглиш бўлиб чиқсин. Илоё бировга тили тегмаган, қўли тегмаган тинч оилаларни уйини бузган душман зотига қирғин келсин. Художоним, тилаб-тилаб олган боламни ўзинг паноҳингда асра... "
/62
- Опааа... Шу адолатданми, жон опааа?! Биттаси эмас, иккитаси эмас, оиламдаги барча эркакни бир деганда урушга олиб кетса-я? Ҳайҳотдек ҳовлида келин иккимиз қолиб кетдик. Абдулатифимнинг уйланганига энди уч ой бўлганди. Муҳаммаджоним бўлса... Айтинг, нима орзу-ҳавас кўрди шўрлик болаларим? Шундоққина бўйи бўйимдан ошганда бағримдан тортиб олишса-я? Илоё, уруш бошлаганларни бўйи лаҳадда чирисин! Илоё, Гитлер деганлари қон қусиб ўлсин! Опааа...- юм-юм йиғларди Сабоҳат,- биласиз, ман умримда бировни қарғамаганман. Бошқалар ҳақида ёмон гумонга бормаганман. Аммо бу жувонмаргларни ер муштлаб қарғайман. Илоё у дунё, бу дунё хор бўлсин! Илоё болаларимизни кўзлаган кўзлари ситилиб оқсин! Оқмаса розимасман, асти розимасман!
Сабоҳатнинг рўмоли бошидан сирғалиб тушган, иккита қилиб ўрилган сочлари елкаси оша эгасининг бошига келган алам-у ситамларни кўтара олмаган каби аёл ҳар йиғига зўр берганда дард билан тўлғонар эди.
Овсинининг сўзларидан уни бағрига босиб юпатаётган Раҳима холанинг юрак-бағри ўртаниб, ичи узилиб кетаётганди: "Якка-ю ёлғизим Абдужабборимнинг аҳволи нима кечаётган экан? Иссиқ ўлка ҳисобланмиш Ўзбекистонда қиш шунчалик қаттиқ ҳукмронлик қилаётган бир вақтда , " туф" деса тупуги ерга тушмай яхлаб қоладиган Россияда нима гаплар экан? Абдужабборим кўзимнинг оқ-у қораси, илоё Яратган эгам ёмон назарлардан сени ўзи асрасин. Илоё Муҳаммаджонимиз тўғрисидаги шумхабар янглиш бўлиб чиқсин. Илоё бировга тили тегмаган, қўли тегмаган тинч оилаларни уйини бузган душман зотига қирғин келсин. Художоним, тилаб-тилаб олган боламни ўзинг паноҳингда асра... "
/62