Тунд руҳимнинг ранги синиққан,
Кўнглим сизсиз кунлардан ҳафа.
Сафоларим сафарга чиққан,
Келасизми дегандим, опа.
Муштоқ ўтган йилларни ёпиб,
Тор ҳовлининг бағрига чопиб,
Фурсат топиб, баҳона топиб,
Келасизми дегандим, опа.
Саркаш кезар кўнглимнинг ўйи,
Телбанамо рангимнинг рўйи,
Тентирайман тўзғиган кўйи,
Келасизми дегандим, опа.
Чалкашади ёлғоним, ростим,
Оёғимда тиканни босдим,
Кўзёшимни кўкларга осдим,
Келасизми дегандим, опа.
Тартиб тутмас тор кўнгил хонам,
Ўпкам тўлиб титрайди танам,
Йўл қарайди ҳар куни онам,
Келасизми дегандим, опа.
Кўнглингизга кўнгил бўлгим бор,
Бағрингизда енгил бўлгим бор,
Сиз опа, мен сингил бўлгим бор,
Келасизми дегандим, опа...
Тунд руҳимнинг ранги синиққан,
Кўнглим сизсиз кунлардан ҳафа...
✍Нигора МУҲАММАД
🌹🕊️ҚАЛБИМ🌹🕊️ ТУЙҒУЛАРИ🌹🕊️
Кўнглим сизсиз кунлардан ҳафа.
Сафоларим сафарга чиққан,
Келасизми дегандим, опа.
Муштоқ ўтган йилларни ёпиб,
Тор ҳовлининг бағрига чопиб,
Фурсат топиб, баҳона топиб,
Келасизми дегандим, опа.
Саркаш кезар кўнглимнинг ўйи,
Телбанамо рангимнинг рўйи,
Тентирайман тўзғиган кўйи,
Келасизми дегандим, опа.
Чалкашади ёлғоним, ростим,
Оёғимда тиканни босдим,
Кўзёшимни кўкларга осдим,
Келасизми дегандим, опа.
Тартиб тутмас тор кўнгил хонам,
Ўпкам тўлиб титрайди танам,
Йўл қарайди ҳар куни онам,
Келасизми дегандим, опа.
Кўнглингизга кўнгил бўлгим бор,
Бағрингизда енгил бўлгим бор,
Сиз опа, мен сингил бўлгим бор,
Келасизми дегандим, опа...
Тунд руҳимнинг ранги синиққан,
Кўнглим сизсиз кунлардан ҳафа...
✍Нигора МУҲАММАД
🌹🕊️ҚАЛБИМ🌹🕊️ ТУЙҒУЛАРИ🌹🕊️