Dehqonobod tuman IM

Til sertifikati yo’q abituriyentlar bundan buyon 1-fani chet tili bo’lgan yo’nalishlarga topshira olmaydi

Bu haqda Oliy ta’lim vazirligi yana bir bor eslatmoqda.

Qonunchilikka ko‘ra (PF-81, 24.05.2024-y.) 2025/2026-o‘quv yili qabulidan boshlab fanlar majmuasida chet tili birinchi fan sifatida belgilangan ta’lim yo‘nalishlariga qabul xorijiy tilni bilish darajasini belgilovchi milliy yoki xalqaro sertifikat asosida amalga oshiriladi.

❗️Bunda fanlar majmuasida chet tili birinchi fan sifatida belgilangan ta’lim yo‘nalishlariga qabul qilishda ushbu fandan test sinovi o‘tkazilmaydi. Abituriyentlar belgilangan darajadagi sertifikatni taqdim etishlari lozim.

2025/2026-oʻquv yili uchun respublika oliy taʼlim muassasalarining taʼlim yoʻnalishlari roʻyxati va ularga mos test sinovi (kasbiy (ijodiy) imtihon) topshiriladigan fanlar majmuasiga koʻra chet tili birinchi fan sifatida belgilangan taʼlim yoʻnalishlari roʻyxati yuqoridagi rasmda berilgan.

❗️E’tibor bering: 1-fan sifatida aniq ko‘rsatilgan ingliz, nemis va fransuz tillaridan ayni shu fan bo‘yicha, 1-fan “Chet tili” ko‘rsatilgan ta’lim yo‘nalishlariga esa, bakalavriat ta’lim yo‘nalishlari uchun tasdiqlangan xorijiy tillarni bilish darajasini belgilovchi milliy va xalqaro sertifikatlardan birini taqdim etish talab etiladi.

❓Bu nima degani?

Masalan, 1-fan “ingliz tili” deb yozilgan bo’lsa, aynan ingliz tilidan sertifikat kerak bo’ladi. Nemis yoki turk tilidan sertifikati borlar bu yo’nalishga topshira olmaydi.

Lekin 1-fan “chet tili” deb ko’rsatilgan bo’lsa, unda qaysi tildan sertifikati borliginining qizig’i yo’q. Istalgan tildan olingan tasdiqlangan sertifikat o’taveradi.

ℹ️ Tasdiqlangan sertifikatlar ro‘yxati bu yerda:
https://lex.uz/docs/-6943986#-6946283


👉 @xushnudbek 👈

#bepul_mock_testlar
#New_Uzbekistan

📣📣📣📣📣

⚡️"YANGI OʻZBEKISTON" UNIVERSITETI UZLUKSIZ TAʼLIM MARKAZI BILAN HAMKORLIKDA SAT IMTIHONI UCHUN MOCK TEST SINOVLARI OʻTKAZADI.

❗️Ushbu test sinovlarida ishtirok etish mutlaqo bepul!

🗣Mock test Bluebook dasturi bilan bir xil boʻlgan platformada boʻlib oʻtadi. Unda Respublika boʻyicha barcha taʼlim muassasalar oʼquvchilari oz bilimlarini sinash imkoniyatiga ega.

📝 Agar siz ham oʻz bilimingizni sinab koʻrmoqchi boʻlsangiz hoziroq roʻyxatdan oʻting.

📶 Mock test oʻtkazilishiga oid qoʻshimcha maʼlumot:
➖ har hafta yakshanba kuni oʻtkaziladi;
➖ boshlanish vaqti soat 11:00da;
➖ davomiyligi 3 soat;
➖ malakali ustozlar tomonidan test naijalari tahlil qilinadi.

Eslatma, "Yangi Oʻzbekiston" universiteti SAT imtihonlarini oʻtkazadigan rasmiy tan olingan markaz hisoblanadi.

📍 Manzil: "Yangi O'zbekiston" universiteti, Toshkent shahar, M.Ulugʻbek tumani, Movarounnahr 1.

📝 Roʻyxatdan oʻtish uchun shu yerni bosing.

🗣 Joylar soni cheklangan, shoshiling va hoziroq ro‘yxatdan o‘ting!

❓Qoʻshimcha savollar uchun:
🤖@ccecontact_bot
📞Tel: +998958280233

Telegram | Facebook | Instagram | YouTube

Ta’lim olish uchun nima kerak?

✔️ Sifatli infratuzilmaga ega maktab? - ha
✔️ Xorij tajribasini o‘rganish? - ha
✔️ Sifatli darsliklar? - ha
✔️ Pedagoglar uchun yuqori oylik maosh? - ha
✔️ Malakali kadrlar? - ha

❓ Yuqoridagilarning barchasi mujassam ham bo‘ldi deylik. Shunda ta’lim sifati ko‘tarilib ketadimi? Yoki aksincha bo‘lsa, ta’lim sifati tushib ketadimi? Har ikkalasiga ham "ha" deb javob bersa bo‘ladi.

✨ Lekin asosiy masala boshqa joyda deb o‘ylayman. Ta’lim olish uchun sharoit albatta kerak, lekin usiz ham ta’lim olsa bo‘ladi. Izlagan imkon topar deyishadi.

🧑🏻‍💻Yuqoridagi rasmga e’tibor bering, biri urush davridagi koreys xalqi (1950 yil), ikkinchisi atom bombasi portlashidan so‘ng yapon xalqi (1946 yil). Har ikki holatdan bitta narsani tushunish mumkin, xalqning ta’limga bo‘lgan munosabati har qanday sharoitda ham o‘zgarmagan.

📚 Qisqa qilib, ta’lim olaman deganga sharoit bu bir bahona. G‘oliblikning yagona yo‘li bu ta’lim va tarbiya.

✨ Kanalga obuna bo'lishni unutmang!
••┄┄┄❅┄┄┄•••
🪀 Malaka oshirish|CPD_official

Assalomu alaykum!
Sizlar bilan yana bir xushxabarni boʻlishmoqchiman!

Bugun Abu-Dabida boʻlib oʻtgan “Zayed Sustainability Prize” tanlovining taqdirlash marosimida Toshkent shahridagi Prezident maktabining 10-sinf oʻquvchisi Paxlavon Gʻulomov hamda 9-sinf oʻquvchisi Asilbek Ashrapov “Global High schools” (global maktablar) yoʻnalishida yomgʻir suvini qayta ishlab iste’mol uchun yaroqli holga keltirish loyihasi bilan qatnashib gʻoliblikni qoʻlga kiritdi.

Oʻquvchilarimizga mukofotni Birlashgan Arab Amirliklari Prezidenti Shayx Muhammad bin Zoid Ol Nahayon topshirdi. Taqdirlash marosimida Prezidentimiz Shavkat Mirziyoyev ham ishtirok etdi va oʻquvchilarimizni gʻalaba bilan qizgʻin tabrikladi.

Oʻquvchilarimiz tomonidan ilgari surilgan loyihada ichimlik suvi tanqisligi mavjud tuman va qishloqlardagi foydalanilmayotgan yer maydonlarida katta miqdorda yomgʻir suvini toʻplash uchun yopiq hovuz (sisterna) va filtrlovchi uskunalar yordamida suvni qayta ishlab ichimlik va kundalik foydalanish uchun yaroqli holatga keltirish nazarda tutilgan.

Yildan yilga ichimlik suvi taqchillashib borayotgan bugungi kunda ayni shu kabi loyihalar juda ham ahamiyatli va dolzarb ekanligi xorijiy ekspertlar tomonidan yuqori baholandi.

2024-yilda 156 ta davlatdan ariza topshirgan 6 mingga yaqin ishtirokchilarning loyihalari orasidan finalda ishtirok etuvchi 33 ta loyiha tanlab olingan. Ular orasida Toshkent shahridagi Prezident maktabi oʻquvchilarining gʻolib boʻlgani quvonarli hol, albatta.

Endilikda oʻquvchilarimizning ushbu global miqyosdagi loyihalarini moliyalashtirish uchun tashkilotchilar tomonidan 150 ming AQSh dollari miqdorida investitsiya kiritiladi hamda ushbu gʻoya hayotga tatbiq etiladi.

Ularning ushbu natijalari ortida tinimsiz oʻqish va izlanish yotibdi. Ilm yoʻlida tunni kunga, kunni tunga ulagan har bir oʻquvchi kun kelib yuksak marralarni zabt etishi shubhasiz.

Aziz yoshlar, ilm oʻrganishdan aslo charchamang. Bugun oʻrganayotgan bilimlaringiz, egallayotgan koʻnikmalaringiz ertaga Yangi Oʻzbekiston nomini yanada koʻklarga koʻtaradi!

Alisher Ubbiyev,
Ixtisoslashtirilgan taʼlim muassasalari agentligi direktori