Фенербахче” клуби бош мураббийи Жозе Моурино Саудия Арабистонининг “Ал-Наср” клуби ҳужумчиси Криштиану Роналдуни Туркия клубига ўтишга кўндирмоқчи.

Хабарларга кўра, португалиялик мутахассис ўз ҳамюртига шахсан қўнғироқ қилиб, унга Истанбул клубига ўтиш таклифини бермоқчи.

“Фенербахче” спорт директори Марио Бранко “Ал-Наср” билан Роналдунинг эҳтимолий трансфери бўйича музокараларни бошлаган.

Маълумот учун 39 ёшли португалиялик футболчи жорий мавсумда барча турнирларда 15 та учрашувда иштирок этди. У 10 та гол урди ва 3 та голли узатмани амалга оширди.

Криштиану Роналдунинг “Ал-Наср” билан шартномаси 2025 йилнинг ёзига қадар амал қилади