ENDI KO‘NGIL BERMAYMAN

Ishonibman oylarga,
Qo‘lim yetmas joylarga..
Qalam qoshi yoylarga,
Endi ko‘ngil bermayman.

Sevib kuydim dil pora,
Yurak yig‘lar bechora...
Hijronlarga nachora,
Endi ko‘ngil bermayman.

Ming turfa dard, bir jonim,
O‘zgaga yor jayronim...
Armonima armonim,
Endi ko‘ngil bermayman.

Alam alam to‘ydim man,
Yurak bag‘rim o‘ydim man.
Qasam ichib qo‘ydim man,
Endi ko‘ngil bermayman.

Sevgi keldi, ketarli,
Dilni vayron etarli.
Yomon kuydim yetarli,
Endi ko‘ngil bermayman.

Yolg'on ekan so'zlari,
Soxta oshiq ko‘zlari...
Sevsa sevsin o'zlari,
Endi ko‘ngil bermayman.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟