Odilbek Qodirov | Sheʼrlar 🇺🇿

Kerakli insonga yuboramiz

MEN SENI SEVIB QOLDIM

Bedor sogʻinib toldim,
Har nafas yodga oldim...
Yuragimni fatx etding,
Men seni sevib qoldim.

Tutqich bermas jayrasan,
Borsam yoʻlim qayrasan.
Kuydirib yor yayra san,
Men seni sevib qoldim.

Kutib koʻngilda dodu,
Aldamchi koʻzlar shodu...
Qilgansan qandoq jodu,
Men seni sevib qoldim..

Ishq degan shaharchadan,
Kel baxt degan darchadan...
Boshqachasan barchadan,
Men seni sevib qoldim.

Nozlaring bir yuk jonim,
Ayblaring suyuk jonim...
Vafosi buyuk jonim,
Men seni sevib qoldim.

Goʻzalsan oy, falakdan,
Yigʻilsa har malakdan...
Ishon yurak yurakdan,
Men seni sevib qoldim.

Baxtim qoʻyib garovga,
Chiqqandekman bir ovga...
Berolmayman birovga,
Men seni sevib qoldim.

Qosh kamon, kiprik oʻqdir,
Koʻzlar olovdir choʻqdir...
Tarifinga soʻz yoʻqdir,
Men seni sevib qoldim.

Soʻzga quloq solmayman,
Ketma koʻnib qolmayman....
Sensiz yashay olmayman,
Men seni sevib qoldim.

Qildingku bedor endi,
Senda oʻzim bor endi.
Menikisan yor endi,
Men seni sevib qoldim.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

ONANG BOʻLARKAN

Bazan baxting soʻlarkan,
Koʻzinga yosh toʻlarkan.
Shunda yoningda qolgan,
Faqat onang boʻlarkan.

Oʻz dardini yutgan ham,
Qoʻllaringni tutgan ham.
Yoʻllaringni kutgan ham,
Faqat onang boʻlarkan.

Chindan yaxshi koʻrguvchi,
Kunda holing soʻrguvchi.
Senga jonin berguvchi,
Faqat onang boʻlarkan.

Unutar doʻstu yoring,
Tegmay qolganda koring.
Doim yodida boring,
Faqat onang boʻlarkan.

Sen kuyganda u yongan,
Sen deb oʻzidan tongan.
Gʻalabangdan quvongan,
Faqat onang boʻlarkan.

Bir duo, bir diydori,
Jonu taning madori.
Hamma dardinga dori,
Faqat onang boʻlarkan.

Ziyon boʻlsa ishingda,
Bezovta jon qushingda...
Oʻlsa ham ex tushingda,
Faqat onang boʻlarkan.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

18-noyabr O‘zbekiston Respublikasi davlat bayrog‘i qabul qilingan kun. Barchangizni ushbu kun bilan tabriklayman aziz yurtdoshlar.

O‘ZBEKISTON BAYROG'I


Butun yurt iftixori, g'ururi ham o‘zingsan.
Musaffo osmon ostin huzuri ham o‘zingsan.
Jahonda g‘alabalar sururi ham o‘zingsan.
Ranglaring ko‘rk, go‘yo ko‘k, yashil, qizil-u oqi.
Mangu hilpirab turgin O'zbekiston bayrog‘i!


Temurdek shijoating, To‘marisdek shaxding bor.
Manguberdidek yurtga jonni tikar axding bor.
Mardlar uchun Yurtdeksan, shanisan, nomus-u or.
Buyukliging oldida, tinmas tanam titrog‘i.
Mangu hilpirab turgin O‘zbekiston bayrog'i!


Go‘yo madad, kelajakka yo‘l ocharsan, imkonsan.
Vatan degan yuraklarga ma'sul bo‘lgan ilk onsan.
Hilol oyni quchib turgan muqaddassan, Islomsan.
O'ttiz olti million xalqni o‘zing porlar chirog'i.
Mangu hilpirab turgin O‘zbekiston bayrog'i!


Mustaqil yurt, erkin bo‘lgan xur vatanda toj o‘zing.
O‘zligimdan darak berar o‘n ikkita yulduzing.
Har jabhadan ma'no erur tasvir bo‘lgan har izing.
Tarixdeksan, o‘zbegimning asli yaqin-yirog‘i.
Mangu hilpirab turgin O‘zbekiston bayrog'i!


Yurtim, bir farzandingman, xizmatingdaman xalqim.
Duo qil, rozi etay, niyyatingdaman xalqim.
Ramzlarim xalq, yurt yuzi, yod etmasam yo‘q xaqqim.
Ko‘rsam g'ururim jo‘shir, jo‘shar qalb iftixori.
Yana bir yosh muborak O‘zbekiston bayrog'i!


✍Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

КEРИЛМА ДЎСТ

Отинг чопиб ўзгариб,
Мол дунёга берилма.
Тўрт сўм топиб ўзгариб,
Керилма дўст, керилма.

Зўриман дединг бугун,
Қулоғим единг бугун.
Кеча ким эдинг, бугун
Керилма дўст, керилма.

Дунё, беш кунлик дунё,
Гоҳ кун, гоҳ тунлик дунё...
Эмас устунлик дунё,
Керилма дўст, керилма.

Кулиб отиб ҳандасан,
Гўё ўлмас тандасан.
Сен ҳам мендек бандасан,
Керилма дўст, керилма.

Пул қўлнинг кири дерлар,
Тўярсан қучса ерлар.
Мақтанчоқ бўлмас шерлар,
Керилма дўст, керилма.

Кимга баланд жой бўлу,
Биров етмас той бўлу...
Ҳаммаданам бой бўлу,
Керилма дўст, керилма.

Бошга келса кулфатлар,
Кетар сохта улфатлар.
Улар фойдангни хатлар,
Керилма дўст, керилма.

Мансаб, пул вақтинча йўл,
Ўтаверар қўлма қўл...
Аввалгидек одам бўл,
Керилма дўст, керилма.

Ёшликдан ҳар онида,
Оқибат қон қонида...
Эски дўстлар ёнида,
Керилма дўст, керилма.

✍ Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

YOR YORINGIZ AYTIB BERAY TOʻYINGIZDA

Oʻn sakkiz yosh eng gullagan boʻyingizda,
Kelin boʻlib kuydirdingiz koʻyingizda...
Armonginam rozimisiz oʻzim borib,
Yor yoringiz aytib beray toʻyingizda...

Bir jilmayib menga yoqib qoldingizda,
Endi esa yurakka oʻt soldingizda...
Koʻzingizga boqib turib, oldingizda,
Yor yoringiz aytib beray toʻyingizda...

Oppoq libos egningizda yaltirasin
Meni koʻrib yuragingiz qaltirasin...
Koʻzlaringiz yoshin toʻkib moʻltirasin,
Yor yoringiz aytib beray toʻyingizda...

Boshingizdan sochsin tillo zarralarin,
Unutmayman otangizning zardalarin...
Hilpiratib goʻshanganing pardalarin,
Yor yoringiz aytib beray toʻyingizda...

Yolgʻonchi qiz, boylikka oʻch xonim oʻlan,
Aytilganda chiqib ketsin jonim oʻlan...
Dunyodagi eng ogʻringli oxang bilan,
Yor yoringiz aytib beray toʻyingizda...

Eslaysizmi sogʻinganda yigʻlab jonim,
Oʻzga tursa sochlaringiz silab jonim...
Tez qaytaman baxtingizni tilab jonim,
Yor yoringiz aytib beray toʻyingizda...

Oy boʻldingiz mening qoʻlim yetmasin deb,
Ketdingizey qolsam baxtsiz etmasin deb...
Sevganlarim yodingizdan ketmasin deb,
Yor yoringiz aytib beray toʻyingizda...

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

OʻGʻLINGIZ ZOʻR BOʻLADI ONA

Choʻntak pulga toʻladi ona,
Tashvish gʻamlar soʻladi ona.
Xudo berib, omadim kulib,
Oʻgʻlingiz zoʻr boʻladi ona.

Hozircha toy minganimcha yoʻq,
Yoʻqchilikdan singanimcha yoʻq.
Kecha kunduz tinganimcha yoʻq,
Oʻgʻlingiz zoʻr boʻladi ona.

Koʻzlaringiz boʻlmas sira nam,
Umringizda uchramaydi kam.
Ishonchingiz oqlash uchun ham,
Oʻgʻlingiz zoʻr boʻladi ona.

Siz haqqimga duo qiling bas,
Toʻxtamayman yoʻldan bir nafas.
Sizga hamma qiladi havas,
Oʻgʻlingiz zoʻr boʻladi ona.

Saroy qurar kundek kechasi,
Siz boʻlasiz qirolichasi...
Maqtashadi hali nechasi,
Oʻgʻlingiz zoʻr boʻladi ona.

Oz qoldi marraga yetamiz,
Allohga shukrlar etamiz...
Ikkimiz xojiga ketamiz,
Oʻgʻlingiz zoʻr boʻladi ona.

Orzu qilgan maqsadim katta,
Siz duoda, men harakatda.
Xudo berib bir kun albatta,
Oʻgʻlingiz zoʻr boʻladi ona.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

YOMGʻIRLI QIZ

Yomgʻir yogʻib kun boʻyi,
Yerlarni suv bostida...
Bugun sevganim toʻyi,
Boʻlar yomgʻir ostida.

Tuni bilan saharcha,
Yomgʻir toma koʻl boʻldi.
Qoʻlimdagi bir parcha,
Taklifnoma hoʻl boʻldi.

U kelinchak, biz banda,
Chidaymizda koʻyiga.
Bugun quyosh chiqqanda,
Borar edim toʻyiga.

Osmon yigʻla, yulishib
Bagʻrim tilar odamlar.
Men yigʻlasam kulishib,
Gap soʻz qilar odamlar.

Yomgʻir tinma kun boʻyi,
Chang koʻchalar koʻl boʻlsin.
Bugun sevganim toʻyi,
Oq libosi hoʻl boʻlsin.

Baxtlarga eshik yopib,
Armon tamini totdim.
Uni yomgʻirda topib,
Shu yomgʻirda yoʻqotdim.

Muhabbat boʻldi jafo,
Oʻtmishlar sirli sirli....
Baxtli boʻling bevafo,
Yomgʻirli qiz yomgʻirli.

Andijonni kun boʻyi,
Yomgʻirdan suv bostida...
Bugun sevganim toʻyi,
Boʻlar yomgʻir ostida.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

YOMGʻIRGINAM

Yomgʻirginam ezib yogʻgin,
Armonimni sezib yogʻgin,
Yor yuzida yoshlarini,
Sezdirmayin sizib yogʻgin.

Yalpiz bilan suv boʻyida,
Kuyar boʻldik ishq koʻyida.
Aytganida borib oʻynab,
Berar edik yor toʻyida.

Yomgʻirginam yomgʻirginam,
Bevafoda yoʻgʻdir ginam.
Yorni qayta koʻrmasligin,
Bilyabdiya koʻngilginam.

Unga oʻlan aytgan onda,
Azobidan yurak qonda.
Toʻyi kuni osmon yigʻlar,
Yomgʻir yogʻib Andijonda.

Mayli koʻkda oy boʻlsiney,
Boyga tegib boy boʻlsiney.
Kuydirgini yomgʻir yogʻib,
Oq libosi loy boʻlsiney.

Bugun osmon yuzi qaro,
Hiyonatdan yurak yaro...
Yomgʻurda ham yongan oʻzim,
Nomi ulugʻ sevgi aro.

Yomgʻirginam rostiga yogʻ,
Sel boʻl qasdma qasdiga yogʻ.
Qizin majbur uzatishgan,
Otalarning ustiga yogʻ.

✍ Odilbek Qodirov

Sizlarda ham yomgʻirmiii😉

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

ОНАМ МАНИ

Якка ягонам мани,
Давлатим онам мани.
Яхши дейди ҳаммани,
Жаннатим онам мани.

Нурим чироғим ўзи,
Ҳимматли боғим ўзи.
Дунёдаги барчадан,
Энг яхшироғим ўзи.

Менинг меҳрибон онам,
Сўзлари дармон онам.
Бахтимга омон бўлинг,
Жоним онам жон онам.

Дадам билан бизларга,
Ўғилларга қизларга,
Икки ёнда бош бўлиб,
Кириб юринг юзларга.

Ўзингиз бахтим тожи,
Давлату тахтим тожи.
Маккаю Мадинада
Бўламиз бирга ҳожи.

Дуо қилиб толмаган,
Оғрисам уҳлолмаган.
Умрини бериб менга,
Хизматга ҳақ олмаган.

Менинг меҳри сой онам,
Бадавлатим бой онам.
Бирюз йигирма ёшда,
Бўлинг эркатой онам

✍ Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

ONAM OʻYNASIN

Nurlar sochib yurar uyimda,
Aziz nomi aytgan kuyimda.
Fayzi boʻlib qilgan toʻyimda,
Onam, jonimonam oʻynasin.

Ramollari yarashgan onam,
Har yumushga qarashgan onam.
Nabiralar talashgan onam,
Onam, jonimonam oʻynasin.

Duolari yuragim qoʻri,
Oʻzidadir mehrning zoʻri.
Baxtga toʻlib davramni toʻri,
Mehribonim onam oʻynasin.

Havas bilan koʻzlar qaralgan,
Sizdan butun olam yaralgan.
Jannatlarning isi taralgan,
Hush iforim onam oʻynasin.

Bu kunlarni kutib tolmagan,
Toʻy qilay deb hordiq olmagan.
Giryon boʻlib charchab qolmagan,
Hushzabonim onam oʻynasin.

Mehmon kutib uy qoshida ham,
Dadam bilan toʻy boshida ham.
Toʻylar qilsam yuz yoshida ham,
Onam, jonimonam oʻynasin.

Oʻynasino, onam oʻynasin,
Mehribonim onam oʻynasin.
Dadam bilan toʻy boshi boʻlib,
Onam, jonim onam oʻynasin.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

YOMGʻIRGINAM

Yomgʻirginam ezib yogʻgin,
Armonimni sezib yogʻgin,
Yor yuzida yoshlarini,
Sezdirmayin sizib yogʻgin.

Yalpiz bilan suv boʻyida,
Kuyar boʻldik ishq koʻyida.
Aytganida borib oʻynab,
Berar edik yor toʻyida.

Yomgʻirginam yomgʻirginam,
Bevafoda yoʻgʻdir ginam.
Yorni qayta koʻrmasligin,
Bilyabdiya koʻngilginam.

Unga oʻlan aytgan onda,
Azobidan yurak qonda.
Toʻyi kuni osmon yigʻlar,
Yomgʻir yogʻib Andijonda.

Mayli koʻkda oy boʻlsiney,
Boyga tegib boy boʻlsiney.
Kuydirgini yomgʻir yogʻib,
Oq libosi loy boʻlsiney.

Yor yorlari taraladi,
Yuragimni poraladi...
Andijonning osmonida,
Qora bulut oraladi.

Yomgʻirginam rostiga yogʻ,
Sel boʻl qasdma qasdiga yogʻ.
Qizin majbur uzatishgan,
Otalarning ustiga yogʻ.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟