Sevib qolganlar uchun maxsus sheʼrimiz

SENI SEVIB QOLYABMAN

Qoshi kamon yoysan jonim,
Sochi toʻlqin soysan jonim.
Oʻn beshkunlik oysan jonim,
Seni sevib qolyabman.

Ishq dilga oʻt yoqqan sari,
Kunlar suvdek oqqan sari.
Ox man sani boqqan sari,
Seni sevib qolyabman.

Koʻzlar dengiz, lablar gʻuncha,
Misli tengsiz yuzlar kuncha.
Qancha kerak boʻlsa shuncha
Seni sevib qolyabman.

Tunlar shirin tushim oʻzing,
Oʻngim ham sarhushim oʻzing.
Tutqich bermas qushim oʻzing,
Seni sevib qolyabman.

Sen tomonga ex dam ba dam,
Ketaverar bossam qadam.
Mendek sevmas boshqa odam,
Seni sevib qolyabman.

Yeru osmon, falak kafil,
Qancha oshiq malak kafil.
Borliq kafil yurak kafil,
Seni sevib qolyabman.

Sensiz baxtga toʻlolmayman,
Senga yetmay oʻlolmayman.
Tushun sensiz boʻlolmayman,
Seni sevib qolyabman.

Har nafas har onim bilan,
Hatto qaynoq qonim bilan.
Ruhim bilan jonim bilan,
Seni sevib qolyabman...

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟